Ajit Pawar : राष्ट्रवादी काँग्रेस पक्षाच्या वतीने जनसंवाद अभिनयाला सुरुवात झाली आहे. राज्याचे उपमुख्यमंत्री आणि पुण्याचे पालकमंत्री अजित पवार हे या अभिनयानाच्या माध्यमातून नागरिकांच्या समस्या जाणून घेत आहेत. आता थेट अजित दादांना तक्रार सांगा असे फलक पुण्यातील हडपसर भागात लावण्यात आलेले आहेत. त्यामुळे अजित पवार हे नागरिकांच्या समस्या जाणून घेत आहेत. आज पहाटेपासून पुण्यातील केशवनगर मुंढवा भागात अजित पवार यांनी पाहणी केली. या पाहणीवेळी एक महिला तिथं आली आणि तिने अजित पवारांना प्रश्नांची सरबत्ती केली. मनोहर पर्रिकर जसे ट्रॅफिक पाहायला फिरायचे तसे तुम्ही पण फिरा असा सल्ला या महिलेने अजित पवारांना दिला. वेळ न सांगता येऊन बघा म्हणजे कळेल असं म्हणत महिलेने थेट अजित पवारांना आव्हान दिलं. नेमकं काय घडलं ते पाहूयात… अजित पवारांनी पुण्यातील केशवनगर या उड्डाणपुलाची पाहणी केली. त्यासोबतच मुंढवा सिग्नल आणि हडपसर गाडीतळाची देखील पाहणी केली आहे. यावेळी अजित पवारांकडे नागरिकांनी आपल्या समस्यांचे गाऱ्हाणे मांडले. या तक्रारींमध्ये नागरी समस्या होत्या. सोसायटीमध्ये नागरिकांना पिण्याचे पाणी मिळत नाही. रस्त्यांची अवस्था, मोठ्या प्रमाणावर होणारी वाहतूक कोंडी अशा तक्रार होत्या. याचवेळी अमनोरा रोड संदर्भात एका महिलेने अजित पवार यांच्याकडे तक्रार केली. तक्रार केल्यानंतर अजित पवारांनी देखील महिलेला सुनावलं आहे. मला मान्य आहे, माझ्याकडून चूक झाली, मात्र मला तुम्हाला सांगायचं आहे की, मी काम करायला आलो आहे. मला काम करू द्या, असं उत्तर अजित पवार यांनी महिलेला दिलं आहे. महिला काय म्हणाली? जसे पर्रीकर दिवसा फिरायचे ट्राफिक बघण्यासाठी तसेच तुम्ही कधीतरी ट्राफिकचा टाईम असतो, त्यावेळी येऊन बघायला पाहिजे, असं नाही की माहिती होऊ शकत नाही. या महिलेने पर्रिकरांचे नाव घेतल्यावर अजित पवारांनी पर्रिकर कोण? असा प्रश्ना केला. यावर महिला गोव्याचे मुख्यमंत्री होते मनोहर पर्रीकर ते जसे फिरायचे दिवसा ट्राफिक बघण्यासाठी तसे तुम्ही कधीतरी फिरून बघा आणि न सांगता व्हिजिट करत चला. तुम्ही प्रश्न विचारणार आणि आम्ही सांगणार असं नको व्हायला, असं ही महिला म्हणाली. अजित पवार काय म्हणाले? महिलेने केलेल्या प्रश्नांवर अजित पवार यांनी सगळ्या समस्या सोडाविल्या जातील, असं आश्वासन दिलं. तुम्ही यायच्या आधी आम्ही सगळ्या समस्या ऐकल्या आहेत. त्यांनी निवेदन दिलेले आहे. यामध्ये वेगवेगळ्या एजन्सी आल्या आहेत. अशी माहिती त्यांंनी दिली. त्यांना त्यांच्या सुविधा पाहिजे आहेत, त्याच्याशी आम्ही शंभर टक्के सहमत आहे. त्या संदर्भामध्ये आमचं काम सुरू असल्याचं सांगितलं. तसेच उशीर झाल्याबद्दल अजित पवार यांनी दिलगिरी व्यक्त केली. हेही वाचा : MLA Amshya Padvi : आरक्षणाच्या मागणीवरून राजकारण तापलं! शिदेंच्या आमदाराने दिला थेट इशारा
