Nana Patekar’s last phone call : नाना पाटेकर यांच्या निधनाच्या बातमीने संपूर्ण देशाला मोठा धक्का बसला आहे. त्यांच्या जाण्याने मनोरंजनविश्वावर शोककळा पसरली असून, देशभरातून त्यांना श्रद्धांजली वाहिली जात आहे. आज पहाटे ५ वाजून २० मिनिटांनी हृदयविकाराच्या झटक्याने गोव्यात त्यांचं निधन झालं.

नाना पाटेकर यांच्या निधनाअगोदर त्यांनी शेवटचा फोन कोणाला केला होता आणि नेमकं काय बोलणं झालं होतं याविषयी माहिती समोर आली आहे. मध्यरात्री अडीचच्या सुमारास त्यांनी जवळच्या मित्राला अस्वस्थ वाटत असल्याचं मेसेजद्वार कळवलं होतं.

त्याआधी रात्री त्यांचं नाम फाऊंडेशनचे समन्वयक विलास चामे यांच्यासोबत शेवटचं बोलणं झालं होतं. विलास चामे यांनी एका वृत्तवाहिनीशी संवाद साधताना नाना पाटेकर यांच्यासोबत झालेल्या शेवटच्या संवादाबाबत माहिती दिली. यावेळी नानांच्या आठवणी सांगताना त्यांना अश्रू अनावर झाले.

नाना आणि विलास चामे यांच्यात शेतकऱ्यांसाठी नाम फाऊंडेशनच्या माध्यमातून आणखी काय मदत करता येईल, याबाबत चर्चा झाली होती. मुंबईत होणाऱ्या ‘कौन बनेगा करोडपती’च्या कार्यक्रमाचाही त्यांनी यावेळी उल्लेख केला होता. अमिताभ बच्चन आणि माधुरी दीक्षित यांच्या कार्यक्रमातून मिळणारी रक्कम शेतकऱ्यांच्या मदतीसाठी नाम फाऊंडेशनच्या माध्यमातून वापरता येईल, असं नाना म्हणाले होते.

‘तू मुंबईत ये… तुला अक्कल आहे का? आपल्याला शेतकऱ्यांसाठी ते पैसे नामाच्या माध्यमातून देता येतील,’ असं नाना पाटेकर यांनी विलास चामे यांना सांगितलं.

नानांच्या निधनाबद्दल बोलताना विलास चामे यांना अश्रू अनावर झाले. ‘मला काही झालं असतं तरी चाललं असतं; पण त्यांच्यासोबत हे घडायला नको होतं. इतका फिट माणूस कसा काय जाऊ शकतो, यावर मी काही बोलू शकत नाही. सगळं संपलं… आमची ताकद, ऊर्जा सगळी संपली,’ हे सांगताना त्यांच्या अश्रूंचा बांध फुटला.

नाना पाटेकर यांच्या जीवनशैलीबद्दल बोलताना विलास चामे यांनी सांगितलं की, नाना स्वतः व्यायाम करायचे आणि स्वतः गाडी चालवायचे. त्यांच्या शेवटच्या संवादात शेतकरी आणि त्यांच्या मदतीचाच विषय होता. त्यामुळे शेवटच्या क्षणापर्यंत नानांच्या मनात शेतकऱ्यांचाच विचार होता, हे त्यांच्या सहकाऱ्यांच्या आठवणींतून पुन्हा अधोरेखित झालं आहे.

NAAM Foundation : बळीराजाचा खरा पाठीराखा हरपला! ‘नाम’च्या माध्यमातून गरजूंना दिलासा देणाऱ्या नाना पाटेकरांची एक्झिट