Kriti Sanon : बॉलिवूड अभिनेत्री क्रिती सनॉन काही काळापूर्वी एका ज्वेलरी ब्रँडच्या जाहिरातीमुळे चर्चेत आली होती. रक्षाबंधनाच्या निमित्ताने प्रदर्शित झालेल्या या जाहिरातीवरून सोशल मीडियावर मोठा वाद निर्माण झाला होता. नेटकऱ्यांसह विविध क्षेत्रातील काही व्यक्तींनी क्रितीच्या जाहिरातीतील लूकवर सडकून टीका केली होती. आता या संपूर्ण प्रकरणावर क्रितीने एका रियालिटी शोमध्ये भाष्य करत एक बेधडक वक्तव्य केले आहे.

अभिनेत्री करीना कपूर खानच्या ‘व्हॉट वुमन वॉन्ट’ या शोमध्ये क्रिती सहभागी झाली होती. यावेळी जाहिरातीवरून झालेल्या ट्रोलिंगबाबत तिने आपली भूमिका मांडली. जाहिरातीतील आपल्या कपड्यांवरून झालेल्या चर्चेचा संदर्भ देत क्रिती म्हणाली, “मला विश्वासच बसत नाही की माझा ब्लाऊज प्राईम टाइमवर सहा लोकांच्या पॅनलचा चर्चेचा विषय ठरला.”

रक्षाबंधनाच्या निमित्ताने प्रदर्शित झालेल्या या जाहिरातीमध्ये क्रिती इंडो-वेस्टर्न लूकमध्ये दिसली होती. जाहिरातीमध्ये ती आपल्या भावाला आणि पाळीव कुत्र्याला राखी बांधून सण साजरा करताना दाखवण्यात आली होती. ही जाहिरात सोशल मीडियावर समोर आल्यानंतर तिच्या कपड्यांवरून काही नेटकऱ्यांनी आक्षेप घेतला.

‘भारतीय संस्कृतीत सणाच्या दिवशी असे कपडे कोण घालतं?’ तसेच ‘भावाला राखी बांधताना अशा प्रकारचा पोशाख का?’ अशा स्वरूपाच्या प्रतिक्रिया सोशल मीडियावर पाहायला मिळाल्या. दुसरीकडे, अनेकांनी क्रितीची बाजू घेत तिच्या कपड्यांवरून तिला ट्रोल करणे चुकीचे असल्याचे म्हटले.

या संपूर्ण वादाच्या पार्श्वभूमीवर क्रितीने महिलांच्या कपड्यांबाबत होणाऱ्या चर्चेवरही प्रश्न उपस्थित केला. एखादी महिला काय घालते आणि काय घालत नाही, हा तिच्या वैयक्तिक स्वातंत्र्याचा भाग आहे, असे ती म्हणाली.

दरम्यान, क्रितीच्या कामाबद्दल बोलायचे झाल्यास ती नुकतीच ‘कॉकटेल २’ या चित्रपटात दिसली होती. आता तिच्या आगामी प्रोजेक्ट्सची चाहते आतुरतेने वाट पाहत आहेत. क्रिती सोशल मीडियाच्या माध्यमातून चाहत्यांशी सातत्याने संपर्कात असते.

PM Modi: पंतप्रधान मोदींनी देवाकडे काय मागितलं? ; जनसेवेची २५ वर्षे पूर्ण होताच स्वतःच केला खुलासा