Abhijeet Dipke : नीट पेपरफुटी प्रकरणी केंद्रीय शिक्षणमंत्र्यांच्या राजीनाम्याची मागणी करत दिल्लीतील जंतर-मंतरवर आंदोलन करणाऱ्या कॉकरोच जनता पार्टीच्या अंतर्गत वादाला आता नवे वळण मिळाले आहे. सीजेपीच्या दोन सदस्यांनीच संस्थापक अभिजीत दीपके यांच्या कार्यपद्धतीवर गंभीर प्रश्न उपस्थित करत अहमदाबादमध्ये अन्न-पाणी त्याग उपोषण सुरू केले आहे. मनीष ब्रह्मभट आणि राहुल पांड्या अशी उपोषण करणाऱ्या तरुणांची नावे असून, त्यांच्या उपोषणाचा हा तिसरा दिवस आहे. (Abhijeet Dipke)

उपोषणकर्त्यांनी सीजेपीच्या आंदोलनाच्या नेतृत्वावर आणि कोअर टीमच्या निवडीवर गंभीर आरोप केले आहेत. ‘हे देशाचं आंदोलन आहे, एखाद्या व्यक्तीचं नाही’, असा दावा करत त्यांनी अभिजीत दीपके यांच्यावर मनमानी पद्धतीने टीम तयार केल्याचा आरोप केला आहे. (Abhijeet Dipke)

‘जुन्या मित्रांना आणि जवळच्या लोकांना कमिटीमध्ये घेतलं’

मनीष ब्रह्मभट आणि राहुल पांड्या यांनी माध्यमांशी बोलताना दावा केला की, आंदोलनाला देशभरातून मोठ्या प्रमाणात पाठिंबा मिळाल्यानंतर अवघ्या काही लोकांची टीम तयार करण्यात आली. या टीममध्ये अभिजीत दीपके यांचे जुने मित्र आणि कॉलेजमधील परिचितांचा समावेश करण्यात आल्याचा आरोप त्यांनी केला. (Abhijeet Dipke)

याचवेळी त्यांनी आणखी गंभीर आरोप करत ‘एकमेकांच्या गर्लफ्रेंड्सनाही कमिटीमध्ये स्थान देण्यात आले’, असा दावा केला. तसेच आम आदमी पार्टीशी संबंधित काही चेहरेही या टीममध्ये असल्याचे त्यांनी म्हटले आहे. मात्र, हे सर्व आरोप उपोषणकर्त्यांनी केले असून, त्यावर अभिजीत दीपके किंवा सीजेपीच्या अधिकृत टीमकडून काय स्पष्टीकरण दिले जाते, हे महत्त्वाचे ठरणार आहे. (Abhijeet Dipke)

‘ही प्रायव्हेट लिमिटेड कंपनी नाही’

उपोषणकर्त्यांनी सीजेपीच्या स्वयंसेवकांच्या भूमिकेवरही प्रश्न उपस्थित केला. देशभरातील नागरिकांनी आंदोलनाला पाठिंबा दिला असताना निर्णय प्रक्रियेत सर्वांना सहभागी करून घेण्याची गरज होती, असे त्यांचे म्हणणे आहे. (Abhijeet Dipke)

‘तुम्ही तुमची टीम तयार केली आणि आता स्वयंसेवकांसाठी वेगळी टीम बनवणार म्हणता; मग ते तुमचे नोकर आहेत का? ही प्रायव्हेट लिमिटेड कंपनी नाही,’ असा सवाल त्यांनी केला. (Abhijeet Dipke)

अभिजीत दीपके यांच्या नेतृत्वशैलीवरही त्यांनी टीका केली. आंदोलनाच्या सुरुवातीला संविधान आणि समानतेची भाषा करणाऱ्या नेतृत्वाने प्रत्यक्ष निर्णय घेताना सर्वांना समान संधी दिली नाही, असा आरोप त्यांनी केला. (Abhijeet Dipke)

‘आमची आयडिया घेतली, पण आम्हालाच बाजूला केलं’

उपोषणकर्त्यांनी आणखी एक आरोप केला आहे. बैठकीत सहभागी करून घेण्याचे आश्वासन देण्यात आले होते, मात्र प्रत्यक्षात आपल्याला बैठकीपासून दूर ठेवण्यात आल्याचे त्यांनी सांगितले. (Abhijeet Dipke)

तसेच आपण सुचवलेल्या कल्पनेवर आधारित ‘देश के नाम’ प्रकारचा उपक्रम राबवण्याची सूचना दिली होती. त्यानंतर त्याच संकल्पनेतून ‘क्या बोलती पब्लिक’ हा स्लोगन वापरण्यात आल्याचा दावाही त्यांनी केला. ‘आयडिया घेण्याला आमची हरकत नाही; मात्र सर्वांना सोबत घेऊन जाणे गरजेचे आहे,’ असे उपोषणकर्त्यांनी म्हटले आहे. (Abhijeet Dipke)

सीजेपीमध्ये अंतर्गत संघर्ष वाढणार?

जंतर-मंतरवरील आंदोलनानंतर देशभर चर्चेत आलेल्या सीजेपीसमोर आता अंतर्गत मतभेदांचे आव्हान उभे राहिले आहे. संस्थापक अभिजीत दीपके यांच्या नेतृत्वावरच संघटनेतील काही सदस्यांनी प्रश्न उपस्थित केल्याने हा वाद आणखी चिघळण्याची शक्यता आहे. (Abhijeet Dipke)

Abhijeet Dipke : अभिजीत दिपके राजकीय पक्ष स्थापन करणार? पुढील अजेंड्याबाबत स्पष्ट केली भूमिका

Abhijeet Dipke : बळाचा वापर करण्याचे आदेश शहांनीच दिले असणार; अभिजीत दिपके यांचा दावा