Job Scam : परीक्षा आणि नोकरीवरुन उमेदवारांची फसवणूक सुरूच असल्याचे दिसून येत आहे. विशेष म्हणजे, सीजेपीचे नेतृत्व करणाऱ्या अभिजीत दीपकेंच्या छत्रपती संभाजीनगरमध्ये नोकरीच्या आमिषाने हजारो युवकांची फसवणूक झाल्याचा प्रकार समोर आला आहे. (Job Scam)

विमानतळावर नोकरी देण्याचे आमिष दाखवत एका खासगी कंपनीने महाराष्ट्रातील हजारो सुशिक्षित बेरोजगारांना गंडा घातल्याचा आरोप करण्यात येत आहे. शासकीय भरतीप्रमाणेच पारदर्शक प्रक्रिया असल्याचा देखावा निर्माण करून प्रत्येक विद्यार्थ्याकडून ५०० ते ७०० रुपयांची फी उकळण्यात आली. (Job Scam)

महिन्याला २५ हजार रुपयांचा पगार आणि विमानतळावरील झगमगीत नोकरीच्या आमिषाला बळी पडत राज्यभरातील शेकडो विद्यार्थी छत्रपती संभाजीनगरच्या उस्मानपुरा येथील एका शाळेत पोहोचले, पण आपली फसवणूक झाल्याचा दावा विद्यार्थ्यांनी केला आहे. (Job Scam)

विशेष म्हणजे महिन्याभरापासून ऑनलाईन अर्ज भरून, अभ्यासाची तयारी करून परीक्षेसाठी आलेल्या विद्यार्थ्यांना खरी परिस्थिती लक्षात येताच त्यांच्या पायाखालची वाळूच सरकली. तसेच कंपनीने सर्व विद्यार्थ्यांना ऑनलाईन संगणकीय परीक्षा होणार असल्याचे सांगितले होते. (Job Scam)

मात्र, प्रत्यक्ष केंद्रावर एकही संगणक उपलब्ध नव्हता. अधिक विचारणा केली असता, परीक्षा घेण्यासाठी आलेली थर्ड पार्टी कंपनीही हात वर करत आम्हाला काहीच माहिती नाही, असे सांगत असल्याचा आरोप विद्यार्थ्यांनी केला. याबाबत माहिती मिळताच घटनास्थळी पोलीस देखील दाखल झाले असून विद्यार्थ्यांनी संताप व्यक्त केला आहे. (Job Scam)

Job Scam Pune : सरकारी नोकरीचे आमिष दाखवून तरुणांची लाखोंची फसवणूक

IT Job Scam : हिंजवडीत आयटी फ्रेशर्सना लाखोंचा गंडा! फेक ऑफर लेटर अन् ३ महिने ट्रेनिंगही दिलं