Job Scam Pune : सरकारी नोकरीचे आमिष दाखवून तरुणांची लाखोंची फसवणूक

पुण्यात सरकारी नोकरीचे आमिष दाखवून अनेक तरुणांची लाखो रुपयांची फसवणूक झाल्याचा धक्कादायक आरोप समोर आला आहे. विक्रम पवार नावाच्या व्यक्तीने सरकारी नोकरी लावून देण्याचे आश्वासन देत गेल्या तीन ते चार वर्षांत अनेकांकडून लाखो रुपये उकळल्याचा दावा पीडितांनी केला आहे. बनावट नियुक्तीपत्रे आणि विविध कागदपत्रे देऊन विश्वास संपादन करण्यात आल्याचा आरोप असून, काही जणांकडून 5 लाख, 8 लाख तर तब्बल 40 लाख रुपये घेतल्याचेही सांगितले जात आहे. या प्रकरणामुळे पुण्यात खळबळ उडाली असून संबंधितांकडून कारवाईची मागणी करण्यात होत आहे.