Chandler Langevin। अमेरिकेतील फ्लोरिडा राज्यातील नेते चँडलर लँगेविन यांना अमेरिकेत राहणाऱ्या भारतीयांबद्दलच्या केलेल्या  वक्तव्यांमुळे तीव्र टीका होत आहे. भारतीयांना हद्दपार करण्याबाबतच्या वादग्रस्त वक्तव्याबद्दल संसदेने त्यांना फटकारले.

एक अनेक इंग्रजी वर्तमानपत्रातील एका वृत्तानुसार, संसदेतील सभागृहाच्या निर्णयानुसार आता लँगेविन यांना कोणताही मुद्दा अजेंड्यावर समाविष्ट करण्यापूर्वी एकमत निर्माण करावे लागेल. निषेध प्रस्तावात नेत्याला आयुक्तांवर भाष्य करण्यासही मनाई आहे आणि समित्यांमधूनही त्यांना काढून टाकले जाणार आहे.

लँगेविन यांनी भारतीयांबद्दल काय टिप्पणी केली?

अनेक सोशल मीडिया पोस्टमध्ये, फ्लोरिडाच्या नेत्याने अमेरिकेतून भारतीयांना हद्दपार करण्याची मागणी केली. अशाच एका पोस्टमध्ये त्यांनी लिहिले, “अमेरिकेची काळजी करणारा एकही भारतीय नाही.” त्यांनी पुढे म्हटले की, ते आमचे आर्थिक शोषण करण्यासाठी आणि भारत आणि भारतीयांना समृद्ध करण्यासाठी याठिकाणी आहेत. अमेरिका अमेरिकन लोकांसाठी आहे.” असे वादग्रस्त विधान त्यांनी केले.

वाद वाढताच लँगेविन यांचा युटर्न  Chandler Langevin।

त्यांच्या विधानावर टीका झाल्यानंतर, चँडलर लँगेविन यांनी युटर्न घेत स्पष्ट केले की, त्यांचे वक्तव्य भारतीय अमेरिकन समुदायाबद्दल नाही तर तात्पुरत्या व्हिसा धारकांबद्दल होते” असे म्हटले.

भारतीयांवर गैरफायदा घेतल्याचा आरोप Chandler Langevin।

दुसऱ्या पोस्टमध्ये, लँगेविन यांनी भारतीयांवर अमेरिकेचा गैरफायदा घेतल्याचा आरोप केला. फ्लोरिडा टर्नपाइकवर बेकायदेशीर यू-टर्न घेतल्यानंतर भारतीय वंशाच्या हरजिंदर सिंग यांच्यावर तीन लोकांची हत्या केल्याचा आरोप होता. २ ऑक्टोबर रोजीच्या पोस्टमध्ये, लँगेविन यांनी अमेरिकेचे अध्यक्ष डोनाल्ड ट्रम्प यांना वाढदिवसाच्या शुभेच्छा म्हणून सर्व भारतीयांचे व्हिसा रद्द करण्याचे आवाहन केले. लँगेविन यांनी एक्स वर लिहिले, “आज माझा वाढदिवस आहे आणि मी फक्त डोनाल्ड ट्रम्प यांना सर्व भारतीयांचे व्हिसा रद्द करावे आणि त्यांना ताबडतोब हद्दपार करावे अशी इच्छा करतो.” पत्रकारांशी बोलताना, अमेरिकन नेते म्हणाले की भारतीय फक्त अमेरिकन लोकांचे खिसे रिकामे करण्यासाठी आहेत.