NZ vs SA Semi Final Champions Trophy 2025 : चॅम्पियन्स ट्रॉफीच्या दुसऱ्या उपांत्य सामन्यात रचिन रवींद्रने शानदार शतक झळकावले. यासह त्याने विक्रमांची मालिका रांग लावली. लाहोरच्या गद्दाफी स्टेडियमवर दक्षिण आफ्रिकेविरुद्धच्या त्याच्या शतकी खेळीदरम्यान अनेक विक्रम मोडले गेले. रचिनने १०१ चेंडूत १०८ धावांची खेळी केली. या शतकासह, तो आयसीसी एकदिवसीय स्पर्धेत पहिले पाच शतके झळकावणारा एकमेव फलंदाज बनला आहे. त्याने याबाबतीत शिखर धवनला मागे टाकले. चॅम्पियन्स ट्रॉफीमध्ये झळकावले दुसरे शतक – रचिन रवींद्रच्या आधी हा विक्रम भारताचा धडाकेबाज सलामीवीर शिखर धवनच्या नावावर होता. २०२३ च्या एकदिवसीय विश्वचषकात रचिन रवींद्रने तीन शतके झळकावली होती. त्याने ही पाच शतके फक्त १३ डावांमध्ये केली आहेत, जे शिखर धवनपेक्षा दोन डाव कमी आहेत.रचिन रवींद्रचे चॅम्पियन्स ट्रॉफीमधील हे दुसरे शतक आहे. दुखापतीमुळे तो पाकिस्तानविरुद्धचा पहिला सामना खेळू शकला नव्हता. पण बांगलादेशविरुद्धच्या पुढच्या सामन्यात त्याने ११२ धावा केल्या होत्या. हा त्याचा चॅम्पियन्स ट्रॉफीमधील पदार्पण सामना होता. मात्र, यानंतर भारताविरुद्ध, रचिन फक्त सहा धावा करून बाद झाला. पण त्याने उपांत्य फेरीच्या सामन्यात शानदार पुनरागमन केले. रचिन रवींद्र हा खास पराक्रम करणारा पहिलाच किवी फलंदाज – यासह, रचिन एकाच चॅम्पियन्स ट्रॉफी हंगामात एकापेक्षा जास्त शतकं करणारा पहिला किवी फलंदाज ठरला आहे. २००६ मध्ये झालेल्या चॅम्पियन्स ट्रॉफीमध्ये ख्रिस गेलने तीन शतके केली, जी कोणत्याही गोलंदाजाने केलेली सर्वाधिक शतकं होती. याशिवाय, सौरव गांगुली, सईद अन्वर (२०००), हर्शेल गिब्स (२००२), उपुल थरंगा (२००६), शेन वॉटसन (२००९), शिखर धवन (२०१३) हे असे फलंदाज आहेत, ज्यांनी या स्पर्धेच्या एकाच हंगामात एकापेक्षा जास्त शतकं झळकावली आहेत. सर्वात कमी डावांमध्ये पाच शतंक झळकावणारा दुसरा फलंदाज – या शतकासह, रचिन रवींद्रने आणखी एक विक्रम आपल्या नावावर केला आहे. तो सर्वात कमी डावांमध्ये पाच शतकं झळकावणारा न्यूझीलंडचा दुसरा फलंदाज ठरला आहे. याआधी डेव्हॉन कॉनवेने २२ डावांमध्ये पाच शतकं झळकावली होती. तर, रचिनला येथे पोहोचण्यासाठी २८ डाव खेळावे लागले. डॅरिल मिशेलने ३० डावांमध्ये, केन विल्यमसनने ५६ डावांमध्ये आणि नॅथन अॅस्टलने ६४ डावांमध्ये ही कामगिरी केली. फक्त २५ वर्षे आणि १०७ दिवसांचा, रॅचिन पाच एकदिवसीय शतके करणारा न्यूझीलंडचा दुसरा सर्वात तरुण फलंदाज बनला आहे. केन विल्यमसनने २४ वर्षे १६५ दिवसांच्या वयात ही कामगिरी केली.
