Chaminda Vaas Appointed Delhi Capitals Fast Bowling Coach IPL 2027 : आयपीएल २०२७ च्या हंगामापूर्वी दिल्ली कॅपिटल्स संघात मोठ्या घडामोडी सुरू आहेत. भारताचा माजी दिग्गज कर्णधार सौरव गांगुली याची मुख्य प्रशिक्षकपदी नियुक्ती झाल्यानंतर सपोर्ट स्टाफमध्ये मोठे बदल करण्यात आले आहेत. काही दिवसांपूर्वीच युवराज सिंगला फलंदाजी प्रशिक्षक बनवण्यात आले होते; आता श्रीलंकेचा माजी महान डावखुरा वेगवान गोलंदाज चामिंडा वास याची दिल्लीच्या नव्या वेगवान गोलंदाजी प्रशिक्षकपदी अधिकृत नियुक्ती झाली आहे. ५२ वर्षीय चामिंडा वास या पदावर भारताचा माजी वेगवान गोलंदाज मुनाफ पटेलची जागा घेणार असल्याचे फ्रँचायझीने सोशल मीडियावर जाहीर केले.

डेक्कन चार्जर्ससाठी जिंकला होता २००९ चा आयपीएल किताब –

चामिंडा वास जगातील सर्वोत्तम डाव्या हाताच्या स्विंग गोलंदाजांपैकी एक मानला जातो. आयपीएलच्या सुरुवातीच्या २००८ ते २०१० या काळात तो डेक्कन चार्जर्स संघाचा महत्त्वाचा खेळाडू होता, जिथे त्याने १३ सामन्यांत १८ विकेट्ल घेतल्या होत्या. २००९ मध्ये दक्षिण आफ्रिकेत खेळल्या गेलेल्या दुसऱ्या आयपीएल हंगामात ॲडम गिलख्रिस्टच्या नेतृत्वाखाली रॉयल चॅलेंजर्स बंगळुरूला पराभूत करून जेतेपद जिंकणाऱ्या डेक्कन चार्जर्स संघात वासचा मोलाचा वाटा होता.

आंतरराष्ट्रीय क्रिकेटमध्ये तब्बल ७६१ विकेट्सचा विक्रम –

World Cup winner and Sri lanka’s best ever 🔥

Welcome to Tiger Territory, coach 💙❤️ https://t.co/SuVQ9rGHuO

— Delhi Capitals (@DelhiCapitals) October 17, 2026

१९९४ ते २००९ या १५ वर्षांच्या प्रदीर्घ आंतरराष्ट्रीय कारकिर्दीत वासने श्रीलंकेसाठी १११ कसोटी, ३२२ एकदिवसीय आणि ६ टी-२० सामने खेळले. या प्रवासात त्याने कसोटीत ३५५, एकदिवसीय क्रिकेटमध्ये ४०० आणि टी-२० मध्ये ६ असे एकूण ७६१ आंतरराष्ट्रीय विकेट्स घेतल्या आहेत. याशिवाय उपयुक्त फलंदाजी करत त्याने कसोटीत ३०८९ धावा आणि वनडेत २०२५ धावा फटकावल्या असून, कसोटीत त्याच्या नावावर एक शतक आणि १३ अर्धशतके नोंद आहेत.

हेही वाचा – Ashwin Slams Selectors : “त्याचा आत्मविश्वास पूर्णपणे तुटू शकतो”; जैस्वालला वनडे संघातून वगळल्याने अश्विन BCCIवर संतापला

आयपीएलमध्ये प्रथमच प्रशिक्षकपद; आंतरराष्ट्रीय कोचिंगचा दांडगा अनुभव –

𝑺𝒊𝒈𝒏𝒆𝒅. 𝑺𝒆𝒂𝒍𝒆𝒅. 𝑹𝒆𝒂𝒅𝒚 𝒕𝒐 𝑹𝒐𝒂𝒓. ✍️❤️‍🔥 https://t.co/qEMHY88eBH

— Delhi Capitals (@DelhiCapitals) October 17, 2026

आयपीएलमध्ये दिल्ली कॅपिटल्ससोबत चामिंडा वासची ही पहिलीच प्रशिक्षक भूमिका असली तरी आंतरराष्ट्रीय पातळीवर त्याच्याकडे दांडगा अनुभव आहे. यापूर्वी त्याने न्यूझीलंड संघासह लहान करारावर काम केले होते. त्यानंतर २०१३ ते २०१५ या काळात तो श्रीलंकेचा गोलंदाजी प्रशिक्षक राहिला, तर २०१६ च्या टी-२० विश्वचषकासाठी त्याने आयर्लंडच्या गोलंदाजांना मार्गदर्शन केले होते. नुकत्याच झालेल्या २०२६ च्या लंका प्रीमियर लीगमध्ये तो कँडी रॉयल्स संघाचा मुख्य प्रशिक्षक म्हणून कार्यरत होता.