Accident Case:  शिरुर तालुक्यातील न्हावरे-निर्वी अष्टविनायक महामार्गावर झालेल्या भीषण कार अपघातात एका महिलेचा मृत्यू झाल्याप्रकरणी कार चालक असलेल्या तिच्याच पतीविरुद्ध शिरुर पोलीस ठाण्यात गुन्हा दाखल करण्यात आला आहे.

शिरुर पोलिसांनी दिलेल्या माहितीनुसार, रामदास नानाभाऊ इथापे (रा. गणेश पार्क, लोहगाव, पुणे) हे दि 29 एप्रिल 2026 रोजी दुपारी 12:30 वाजण्याच्या सुमारास त्यांची टोयोटा लिव्हा (एमएच 14 डीएन 4091) ही कार निर्वीकडून न्हावरेकडे चालवत होते. न्हावरे गावच्या हद्दीत सिताराम सात्रस यांच्या घराजवळ आल्यानंतर वाहनावरील नियंत्रण सुटल्याने कार रस्त्याच्या कडेला असलेल्या झाडावर जोरात आदळली.  Accident Case

या अपघातात चालक रामदास इथापे यांच्यासह त्यांच्या शेजारील सीटवर बसलेल्या पत्नी शोभा रामदास इथापे (वय 55) या गंभीर जखमी झाल्या. उपचारादरम्यान शोभा इथापे यांचा मृत्यू झाला. अपघातात कारचेही मोठे नुकसान झाले. दरम्यान, या घटनेची नोंद सुरुवातीला अकस्मात मृत्यू म्हणून करण्यात आली होती.

गुन्हा दाखल करण्यामागचे कारण –  (Accident Case)

मात्र तपासात वाहन चालकाने रहदारी नियमांचे उल्लंघन करून हयगयीने, निष्काळजीपणे व बेदरकारपणे वाहन चालविल्याचे निष्पन्न झाल्याने शिरुर पोलिसांनी मयताचे पती चालक रामदास इथापे यांच्याविरुद्ध गुन्हा दाखल केला आहे.

याप्रकरणी पोलीस हवालदार निलेश बळवंत शिंदे यांनी सरकारतर्फे फिर्याद दिली असून आरोपीविरुद्ध भारतीय न्याय संहिता तसेच मोटार वाहन कायदा कलमा अन्वये गुन्हा दाखल करण्यात आला आहे. या प्रकरणाचा पुढील तपास पोलीस हवालदार पवार करत आहेत.

हेही वाचा: 

Big Breaking: ‘टेलिग्राम’वर तात्पुरती बंदी ; नीट फेरपरीक्षेच्या पार्श्वभूमीवर केंद्र सरकारचा मोठा निर्णय