Sanjeev Kumar | Sachin Pilgaonkar : मराठी चित्रपटसृष्टीतील प्रसिद्ध अभिनेते, गायक आणि दिग्दर्शक ‘सचिन पिळगावकर‘ हे पुन्हा एकदा चर्चेत आले आहेत. त्यांनी दिवंगत अभिनेते संजीव कुमार यांचा एक किस्सा सांगितलाय. जो सोशल मीडियावर चर्चेचा विषय बनलाय. सचिन पिळगावकर यांनी सर्वात पहिल्यांदा कोणाचा ऑटोग्राफ घेतला आणि त्यांचा ऑटोग्राफ पहिल्यांदा कोणी घेतला? याबाबत त्यांनी एक किस्सा सांगितलाय.

संजीव कुमार हे माझा ऑटोग्राफ घेण्यासाठी घरी आले होते, असा किस्सा पिळगांवकरांनी सांगितला. यानंतर त्यांना ट्रोलही करण्यात येत आहे. पण तुम्हाला माहिती आहे की, संजीव कुमार आणि सचिन यांची घनिष्ठ मैत्री होती. त्यांनी आपल्या मैत्रीचे अनेक किस्से यापूर्वी मुलाखतींमध्ये सांगितले आहेत. पण सध्या त्यांचा हा ऑटोग्राफचा किस्सा चांगलाच चर्चेत आला आहे. नेमकं या मुलाखतीत काय घडलं हे आपण पाहुयात….

रेडिओ सिटीला दिलेल्या मुलाखतीत सचिन पिळगावकर म्हणाले, “संजीव कुमार सिनेमा पाहून बाहेर आले. सायंकाळचे 7 वाजले होते. त्यांनी विशूराजेला विचारलं सचिन कुठे राहातो माहिती आहे का? ते म्हणाले मला माहिती आहे. मग ते म्हणाले, मला घेऊन जाता का त्याच्याकडे…ते लगेच म्हणाले हो चला.. ते गाडीत बसले.

जाताना सांताक्रुझमध्ये एका स्टेशनरी शॉपजवळ हरीभाईंनी गाडी थांबवली. एक ऑटोग्राफ बुक घेतलं. एक पेन विकत घेतला. ते घरी आले. बेल मारली. माझ्या वडिलांनी दरवाजा उघडला आणि समोर संजीव कुमार उभे होते. बाबांनी त्यांचं स्वागत केलं. मग त्यांनी विचारलं, ‘सचिन आहे का? त्याला बोलवा’. मी आलो.

ते मला म्हणाले, ‘मी आताच हा माझा मार्ग एकला सिनेमा पाहून आलो आहे. मी आयुष्यात कधी कोणाचाही ऑटोग्राफ घेतलेला नाही. आज पहिल्यांदाच घेणार आहे. तू मला ऑटोग्राफ देशील का?’ त्यांनी माझ्या पेन आणि पेपर ठेवला. मी लिहिलं, ‘माय डिअर हरि भाई, विथ लव्ह सचिन.” ‘हा माझा मार्ग एकला’ सिनेमात सचिन पिळगावकर बालकलाकार होते. तेव्हा ते फक्त ४ वर्षांचे होते. हा त्यांचा पहिला सिनेमा होता.

आपल्या पहिल्याच सिनेमातून त्यांनी अभिनयाची चुणूक दाखवली होती. वयाच्या फक्त चौथ्या वर्षी त्यांनी थेट संजीव कुमार यांना ऑटोग्राफ दिला ही मोठी गोष्ट होती. हीच आठवण त्यांनी सांगितली. नंतर काही वर्षांनी सचिन पिळगावकर ‘शोले’मध्ये झळकले ज्यात स्वत: संजीव कुमार होते.

अमजदचा आवाज हा गब्बर सिंहचा आवाज वाटत नाहीय…

‘शोले’ सिनेमा आल्यानंतर अनेकांना असं वाटलं की, अमजदचा आवाज हा गब्बर सिंहचा आवाज वाटत नाहीय. तो थोडासा पातळ वाटतोय. मी अमजदला सांगितलं. माईकच्या जवळ उभा राहा, आणि वरच्या पट्टीत नको बोलूस खालच्या पट्टीत बोल. कारण माझ्यामागे तो अनुभव होता, जो अमजदच्या मागे नव्हता, असे सचिन पिळगावकर यांनी सांगितले.

पुढे ते म्हणाले, “कितने आदमी थे…” आधी त्यानं वरच्या पट्टीत ओरडून म्हटलेलं. नीचे के सूर मे बोल. पट्टी पुरी नीचे कर. Because I Am A Singer Also. मला ऑक्टिम्स कळतात. त्यामुळे खालच्या सुरात बोल, कितने आदमी थे…, असे सचिन पिळगांवकर मुलाखतीत म्हणाले होते.