Brendon McCullum Sacked England Test Head Coach Bazball End ECB Statement 2026 : भारताविरुद्धच्या टी-२० मालिकेत ४-० असा ऐतिहासिक विजय मिळवूनही इंग्लंड क्रिकेट संघाच्या गोटातील अंतर्गत वाद शमलेले नाहीत. टी-२० मधील या दमदार यशामुळे इंग्लंडच्या कसोटी क्रिकेटमधील पराभवाचे घाव भरून निघालेले नाहीत, तसेच मुख्य प्रशिक्षक ब्रेंडन मॅक्युलम यांनाही यातून कोणतीही संजीवनी मिळालेली नाही. इंग्लंड क्रिकेट बोर्डाने (ECB) रविवारी एक अत्यंत मोठा आणि धक्कादायक निर्णय घेत मॅक्युलमला कसोटी संघाच्या मुख्य प्रशिक्षकपदावरून हटवल्याचे अधिकृतपणे जाहीर केले आहे.

कसोटी प्रशिक्षकपदावरून सुट्टी; ऑस्ट्रेलियन मीडियाचा मोठा दावा!

कसोटी क्रिकेटमध्ये इंग्लंडला सातत्याने मिळणाऱ्या पराभवांमुळे ब्रेंडन मॅक्युलमचा कसोटी प्रशिक्षक म्हणून असलेला प्रवास संपला आहे. ऑस्ट्रेलियाच्या ‘७ क्रिकेट’ वृत्तसंस्थेचे नामांकित रिपोर्टर टॉम मॉरिस यांनी रविवारी १२ जुलै रोजी सोशल मीडियावर याबाबतचा पहिला गौप्यस्फोट केला होता. या बातमीनंतर काही वेळातच ईसीबीने (ECB) परिपत्रक काढून या वृत्ताला अधिकृत दुजोरा दिला.

Brendon McCullum will stand down as England Men’s Test Head Coach but continue to lead the England Men’s White Ball teams.

Click below for the full story:

— England Cricket (@englandcricket) July 12, 2026

या निर्णयावर प्रतिक्रिया देताना न्यूझीलंडचा माजी कर्णधार मॅक्युलम म्हणाला, “मी क्रिकेट बोर्ड, खेळाडू आणि चाहत्यांचे आभार मानतो. मला कसोटी प्रशिक्षक म्हणून काम सुरू ठेवायचे होते, परंतु मी बोर्डाच्या निर्णयाचा पूर्ण आदर करतो. संघासोबत घालवलेला काळ माझ्यासाठी यशस्वी आणि आनंददायी होता.”

टी-२० आणि वनडेमध्ये पद सुरक्षित –

💔🗣️ Brendon McCullum Opens Up After Emotional Departure 🛫

💔🗣️ Brendon McCullum Reflects on His Departure 🛫

Brendon McCullum has admitted he is “gutted” to be leaving a role that he “absolutely loved.” ❤️🏏

His emotional words reflect the passion, commitment, and pride he… pic.twitter.com/B3LO9AJbwP

— The Cricket🏏Village 🇬🇧🇵🇰🇦🇺🇮🇳🇿🇦🇧🇩🇱🇰 (@MSohailAfzal10) July 12, 2026

ब्रेंडन मॅक्युलमने जून २०२२ मध्ये इंग्लंडच्या कसोटी संघाची धुरा सांभाळली होती. त्यानंतर जानेवारी २०२५ मध्ये त्याच्याकडे वनडे आणि टी-२० चेही प्रशिक्षकपद सोपवण्यात आले. सुदैवाने, मॅक्युलमला केवळ कसोटी फॉरमॅटमधूनच हटवण्यात आले आहे. मर्यादित षटकांच्या (ODI & T20) प्रकारात ते इंग्लंडचे मुख्य प्रशिक्षक म्हणून कायम राहतील. विश्वविजेत्या भारतीय संघाला टी-२० मालिकेत ४-० ने चिरडल्यामुळे मॅक्युलमला मर्यादित षटकांच्या क्रिकेटमधून हटवणे बोर्डाला शक्य नव्हते.

हेही वाचा – Yastika Lords Century : लॉर्ड्सवर भारतीय रणरागिणीचा ऐतिहासिक डंका! यास्तिका भाटियाने पहिलंवहिलं शतक झळकावत केला ‘वर्ल्ड रेकॉर्ड’

‘बॅझबॉल’ युगाचा अधिकृत ‘दि एंड’ –

The difference between the BCCI and the ECB:

– England beat India 4–0 in the T20I series
– Brendon McCullum has been sacked as head coach.❌

– India lost two series 0-4 to England and 0–2 to Ireland
– Gautam Gambhir’s contract has been extended until the LA 2028 Olympics.✅ pic.twitter.com/Tl6gv4Ds4K

— Abhishek Kumar (@Abhishek060722) July 12, 2026

नुकत्याच न्यूझीलंडविरुद्ध मायदेशात झालेल्या कसोटी मालिकेत इंग्लंडला १-२ असा मानहानिकारक पराभव स्वीकारावा लागला होता. या मालिकेत १-० अशी आघाडी असूनही इंग्लंडने मालिका गमावली. याशिवाय ॲशेस मालिकेतही इंग्लंडचा संघ फ्लॉप ठरला होता. तसेच मैदानाबाहेर खेळाडूंच्या बेशिस्तीचे वाद समोर आले होते. मॅक्युलमच्या हकालपट्टीमुळे कसोटी क्रिकेट गाजवणाऱ्या ‘बॅझबॉल’ (Bazball) रणनीतीचा आता अधिकृत अंत झाला आहे. मॅक्युलमच्या आधी कसोटी कर्णधार बेन स्टोक्सनेही आंतरराष्ट्रीय क्रिकेटमधून निवृत्ती घेतल्याने इंग्लंड कसोटी क्रिकेटमध्ये आता नव्या युगाची सुरुवात होणार आहे.