अहमदाबाद : नागरी विमान वाहतूक मंत्री के राम मोहन नायडू यांनी मंगळवारी सांगितले की, या महिन्याच्या सुरुवातीला अहमदाबादमध्ये कोसळलेल्या एअर इंडिया विमानाचा ब्लॅक बॉक्स भारतातच आहे आणि विमान अपघात तपास ब्युरोकडून त्याची चौकशी केली जात आहे. एअर इंडिया विमानाचा ब्लॅक बॉक्स तपासणीसाठी परदेशात पाठवला जाईल या अटकळी केंद्रीय मंत्र्यांनी फेटाळून लावल्या.

१२ जून रोजी अहमदाबादमधील सरदार वल्लभभाई पटेल आंतरराष्ट्रीय विमानतळावरून उड्डाण घेतल्यानंतर काही वेळातच लंडनला जाणारे एअर इंडियाचे विमान वसतिगृहाच्या इमारतीवर कोसळले. या विमान अपघातात २७० जणांचा मृत्यू झाला, त्यापैकी २४१ प्रवासी होते. या अपघातातून एक प्रवासी बचावला. ट्रेंडिंग व्हिडिओ पॉज म्यूट करा उर्वरित वेळ -३:५१ प्लेअर बंद करा विमान अपघाताच्या तपासात ब्लॅक बॉक्स खूप महत्त्वाचा आहे.

१३ जून रोजी अपघातग्रस्त एअर इंडियाच्या विमानाचा ब्लॅक बॉक्स घटनास्थळावरून सापडला. ब्लॅक बॉक्स हे एक छोटे उपकरण आहे जे उड्डाणादरम्यान विमानाची माहिती नोंदवते. विमान अपघाताची कारणे शोधण्यासाठी हा ब्लॅक बॉक्स खूप महत्त्वाचा आहे. काही माध्यमांच्या वृत्तानुसार ब्लॅक बॉक्स परदेशात तपासणीसाठी पाठवला जाईल. तथापि, आता केंद्रीय नागरी उड्डाण मंत्र्यांनी स्पष्ट केले आहे की ब्लॅक बॉक्स भारतातच आहे आणि त्याची चौकशी केली जात आहे.