Kolhapur politics : आगामी स्थानिक स्वराज्य संस्थांच्या निवडणुकांच्या पार्श्वभूमीवर कोल्हापूरात मोठी राजकीय घडामोड घडताना दिसत आहे. काँग्रेसचे सतेज पाटील यांना भाजपकडून जोरदार धक्का बसला असून, विनायक पाटील यांनी काँग्रेस पक्षाला राम राम केला असून ते लवकरच आपल्या हाती कमळ घेणार आहेत. ते आज भाजपचे ज्येष्ठ नेते मंत्री चंद्रकांत पाटील यांच्या प्रमुख उपस्थित भारतीय जनता पार्टीत पक्षप्रवेश करणार असून, यामुळे कोल्हापूरातील राजकीय गणितं आगमी काळात बदलणार असल्याची जोरदार चर्चा रंगली आहे. नुकतीच विनायक पाटील यांनी आमदार शिवाजी पाटील आणि मुख्यमंत्री देवेंद्र फडणवीस यांची भेट घेतली होती. त्यानंतर चर्चांना उधाण प्राप्त झाले होते. आता या बातमीमुळे चर्चांना पूर्णविराम मिळाला आहे. हेही वाचा : दिलसादायक! LPG सिलिंडर ‘इतक्या’ रुपयांनी झाला स्वस्त; जाणून घ्या नवे दर महायुतीकडून स्थानिक स्वराज्य संस्थांच्या निवडणुकीच्या दृष्टीने जोरदार तयारी हाती घेण्यात आली आहे. महायुतीमधील तीन मोठ्या आणि प्रमुख पक्षांनी निवडणुकीला सामोरे जाताना तयारीला लागण्याचे आदेश पक्षनेतृत्वाकडून देण्यात आलेले आहेत. भाजपमध्ये सध्या इन्कमिंग वाढताना दिसत आहे. मुख्यमंत्री देवेंद्र फडणवीस पुणे दौऱ्यावर आले असताना त्यांनी स्वतः एक मोठं विधान केले होते. एखादा स्ट्राँग व्यक्तीअसेल तर त्याला भाजपमध्ये घेतले जाईल, असे ते म्हणाले होते. त्यांनी केलेल्या विधानानंतर अनेक राजकीय घडामोडी घडताना दिसत आहेत. महाराष्ट्रात जिथे भाजपची ताकद कमी आहे, तिथे रणनिती आखली जात आहेत. महाविकास आघाडीतील अनेक मोठ्या नेत्यांना आपलेसे केले जात आहेत. याच पार्श्वभूमीवर कोल्हापूरमधील विनायक पाटील हे आता भाजपात जाणार आहेत. त्यांच्या पक्षप्रवेशामुळे कोल्हापूर जिल्ह्यातील चंदगड विधानसभा मतदारसंघात भाजपची ताकद वाढणार आहे. कोण आहेत विनायक पाटील? विनायक पाटील हे काँग्रेस पक्षात होते. लोकसभा आणि विधानसभा निवडणुकीत त्यांनी काँग्रेस पक्षात प्रवेश केला. चंदगड विधानसभा मतदार संघात त्यांचा दांडगा जनसंपर्क आहे. त्यांच्यासोबतच महागावचे सरपंच प्रशांत शिंदे, माजी जिल्हा परिषद सदस्य अशोक खमलेटी, श्रीशैल पाटील यांच्यासह शेकडो पदाधिकारी आणि कार्यकर्ते भाजपमध्ये प्रवेश करणार आहेत. हा काँग्रेससाठी मोठा धक्का मानला जात आहे. हेही वाचा : रात्रीत वेगवान घडामोड…! मुरलीधर मोहोळ यांची माघार? मुख्यमंत्री फडणवीसांची भेट घेणार; पडद्याआड नेमकं काय सुरूऐ?
