BJP Leader : सांगलीचे भाजप आमदार सुधीर गाडगीळ यांच्या कारला भीषण अपघात झाला आहे. रत्नागिरी-नागपूर महामार्गावर मिरजजवळ झालेल्या या अपघातात आमदार सुधीर गाडगीळ यांच्यासह चार ते पाच जण जखमी झाले असून एका दुचाकीस्वाराची प्रकृती गंभीर असल्याची माहिती समोर आली आहे. (BJP Leader)

प्राथमिक माहितीनुसार, आमदार सुधीर गाडगीळ हे कर्नाटकातील उगार येथून सांगलीकडे परतत असताना त्यांच्या वाहनाचा दुचाकीला धक्का लागला. या धडकेमुळे कारचा पुढील भाग अक्षरश: चक्काचूर झाला. धडक इतकी जोरदार होती की वाहनातील एअरबॅग्जही उघडल्या. (BJP Leader)

BJP Leader : माजी मुख्यमंत्र्यांचे निधन; भाजपवर कोसळला दुःखाचा डोंगर

या अपघातात आमदार सुधीर गाडगीळ यांच्या हाताच्या बोटाला दुखापत झाली असून त्यांच्यासोबत असलेले वाहनचालक, स्वीय सहाय्यक आणि अंगरक्षकासह इतर जण किरकोळ जखमी झाले आहेत. सर्वांची प्रकृती स्थिर असल्याचे सांगितले जात आहे. (BJP Leader)

दरम्यान, अपघातात गंभीर जखमी झालेल्या दुचाकीस्वाराला तातडीने मिरजेतील शासकीय रुग्णालयात उपचारासाठी दाखल करण्यात आले असून त्याच्यावर वैद्यकीय उपचार सुरू आहेत. (BJP Leader)

अपघाताचे नेमके कारण अद्याप स्पष्ट झाले नसले तरी दुचाकीला धडक लागल्यामुळे ही दुर्घटना घडल्याचा प्राथमिक अंदाज व्यक्त केला जात आहे. पोलिसांकडून घटनास्थळी पंचनामा करून पुढील तपास सुरू आहे. (BJP Leader)

BJP Leader : मोठी बातमी..! माजी आमदाराला मारहाण केल्याप्रकरणी भाजप नगरसेवकासह दोघांना ५ वर्षांची शिक्षा

Bjp Leader Kills : राजकीय वर्तुळात खळबळ ! भाजप नेत्याला बेदम मारहाण करून संपवलं