Bjp Leader Kills : उत्तराखंडची राजधानी देहरादूनमधून एक अत्यंत धक्कादायक (Bjp Leader Kills) आणि थरारक घटना समोर आली आहे. देहरादूनच्या बैरागीवाला गावात किरकोळ वादातून भाजप नेते विनोद यांची बेदम मारहाण करून हत्या करण्यात आली आहे.

सहसपूर पोलीस ठाण्याच्या हद्दीत घडलेल्या या घटनेनंतर गावात दोन गटांमध्ये तीव्र वाद पेटला असून परिस्थिती नियंत्रणात आणण्यासाठी पोलिसांना मोठी कसरत करावी लागत आहे.

बोअरवेलच्या पाण्यावरून वादाची ठिणगी; घरात घुसून प्राणघातक हल्ला

मिळालेल्या माहितीनुसार, भाजप नेते विनोद, राजेश आणि अशोक यांचा माजी सरपंच इश्तिपक यांचा पुतण्या इम्तियाज याच्याशी बोअरवेलमधून पाणी काढण्यावरून वाद (Bjp Leader Kills) झाला होता.

हा वाद इतका विकोपाला गेला की, रझ्झाक, अमन, युनूस आणि अनीस यांच्यासह सुमारे ३० ते ४० जणांच्या जमावाने धारदार शस्त्रांनिशी थेट विनोद यांच्या घरावर हल्ला चढवला.

या हिंसक हल्ल्यात विनोद, त्यांचा भाऊ अशोक, राजेश आणि वहिनी सुषमा हे गंभीर जखमी झाले. रक्तबंबाळ झालेल्या सर्व जखमींना स्थानिक नागरिकांनी तातडीने जवळच्या रुग्णालयात दाखल केले. मात्र, उपचारादरम्यान विनोद यांचा मृत्यू झाला, तर त्यांच्या दोन्ही भावांवर आणि वहिनीवर सध्या रुग्णालयात उपचार सुरू आहेत.

संतप्त ग्रामस्थांची दगडफेक; प्रशासनाकडून आरोपींच्या घरावर बुलडोझर कारवाई

विनोद यांच्या मृत्यूची बातमी गावात पसरताच नागरिकांचा संताप अनावर झाला. पोलिसांच्या सुरुवातीच्या संथ कारवाईवर नाराजी व्यक्त करत संतप्त ग्रामस्थांनी आरोपींच्या घरांवर जोरदार दगडफेक केली. गावात कायदा-सुव्यवस्थेचा प्रश्न निर्माण झाल्याने पोलिसांनी तात्काळ मोठा बंदोबस्त तैनात केला.

ग्रामस्थांनी आरोपींच्या घरावर थेट बुलडोझर फिरवण्याची मागणी लावून धरली होती. तणाव वाढू नये म्हणून प्रशासनाने तातडीने कारवाई करत आरोपींच्या घरावर बुलडोझर चालवला. मात्र, या कारवाईनंतरही गावातील लोकांचा संताप अद्याप शांत झालेला नाही.

१२ मुख्य आरोपींसह ३५ जणांवर गुन्हा; ४ जण अटकेत

या प्रकरणी मृत विनोद यांचे भाऊ अशोक यांनी दिलेल्या तक्रारीवरून पोलिसांनी १२ मुख्य आरोपींसह ३० ते ३५ अज्ञात लोकांविरोधात हत्या, दंगल घडवणे आणि हिंसाचार यांसह विविध गंभीर कलमांन्वये गुन्हा (FIR) दाखल केला आहे.

एफआयआरमधील मुख्य आरोपी
रज्जाक, इम्तियाज, अमन, युनूस, शाहबाज, शराफत अली, मासूम, आदिल, शमून, सलमान, जावेद आणि इंतजार अशी मुख्य आरोपींची नावे आहेत.

या कारवाईबाबत माहिती देताना पोलीस अधिकारी प्रमेंद्र डोभाल यांनी सांगितले की, “गुन्हा दाखल झाल्यानंतर पोलिसांनी तातडीने चक्र फिरवून रज्जाक, सलमान, जावेद आणि शहबाज या चार मुख्य आरोपींना अटक केली आहे. उर्वरित फरार आरोपींचा शोध घेण्यासाठी संपूर्ण गावात नाकाबंदी करण्यात आली आहे.”

पोलिसांचे शांततेचे आवाहन

बैरागीवाला गावातील सध्याची परिस्थिती पाहता पोलिसांनी नागरिकांना शांतता आणि सुव्यवस्था राखण्याचे आवाहन (Bjp Leader Kills) केले आहे. “कोणत्याही नागरिकाने कायदा हातात घेऊ नये. पोलीस या प्रकरणाचा सखोल तपास करत असून, सर्व दोषींवर कडक आणि कायदेशीर कारवाई केली जाईल,” असे आश्वासन वरिष्ठ पोलीस अधिकाऱ्यांनी दिले आहे. गावात पुढील अनर्थ टाळण्यासाठी पोलीस दलाचा मोठा फौजफाटा तैनात ठेवण्यात आला आहे.