BJP Youth Leader : झारखंडमधील गिरिडीह जिल्ह्यातील बगोदर येथे भाजप युवा मोर्चाचे नेते मिथिलेश यादव यांची गोळ्या झाडून हत्या करण्यात आल्याची धक्कादायक घटना समोर आली आहे. हेसला येथील राष्ट्रीय महामार्गाच्या मधोमध त्यांचा मृतदेह आढळून आल्याने परिसरात मोठी खळबळ उडाली आहे. (BJP Youth Leader)

मिळालेल्या माहितीनुसार, मिथिलेश यादव यांच्या डोक्याच्या मध्यभागी गोळी झाडण्यात आल्याचे सांगितले जात आहे. शुक्रवारी पहाटे मॉर्निंग वॉकसाठी बाहेर पडलेल्या नागरिकांना राष्ट्रीय महामार्गावर त्यांचा मृतदेह आढळला. घटनेची माहिती मिळताच घटनास्थळी नागरिकांची मोठी गर्दी झाली. (BJP Youth Leader)

संतप्त नागरिकांकडून महामार्गावर रास्ता रोको

हत्येची माहिती समोर आल्यानंतर संतप्त नागरिकांनी मिथिलेश यादव यांचा मृतदेह महामार्गावर ठेवून रास्ता रोको केला. त्यामुळे काही काळ वाहतुकीवर परिणाम झाला. बगोदरच्या प्रमुख आशा महतो यांच्यासह मोठ्या संख्येने नागरिक घटनास्थळी दाखल झाले होते. (BJP Youth Leader)

घटनेची माहिती मिळताच वरिष्ठ पोलीस अधिकारी धनंजय राम हे पोलीस पथकासह घटनास्थळी पोहोचले. नागरिकांना समजावून सांगून वाहतूक सुरळीत करण्याचे प्रयत्न पोलिसांकडून करण्यात आले. (BJP Youth Leader)

रात्री दुकानात जाण्यासाठी घरातून निघाले होते

स्थानिकांच्या माहितीनुसार, मिथिलेश यादव हे हेसला गावचे रहिवासी होते. राष्ट्रीय महामार्गालगत त्यांचे सर्व्हिस सेंटरचे दुकान होते. गुरुवारी रात्री त्यांनी आईला दुकानातच झोपण्यासाठी जात असल्याचे सांगून घरातून बाहेर पडल्याचे समजते. (BJP Youth Leader)

मात्र, शुक्रवारी सकाळी त्यांचा मृतदेह महामार्गाच्या मधोमध आढळून आला. त्यामुळे त्यांच्या हत्येचे नेमके कारण काय आणि हत्या कोणी केली, याबाबत अनेक प्रश्न उपस्थित झाले आहेत. (BJP Youth Leader)

हत्येमागचे कारण अद्याप अस्पष्ट

मिथिलेश यादव यांची हत्या राजकीय वैमनस्यातून झाली की अन्य कोणत्या कारणामुळे, हे अद्याप स्पष्ट झालेले नाही. पोलिसांनी घटनास्थळी तपास सुरू केला असून हत्येचा तपास वेगाने सुरू आहे. आरोपींचा शोध घेण्यासाठी पोलिसांकडून पुढील कारवाई केली जात आहे. (BJP Youth Leader)

BJP Leader : भाजपच्या ज्येष्ठ नेत्याचं निधन; शाळांना सुट्टी जाहीर, राजकारणात शोककळा

BJP-congress: झारखंडमधील लाठीचार्जने भाजपला संसदेत नवसंजीवनी ; सत्ताधारी अन् विरोधी खासदारांची जुगलबंदी