BJP News : कानपूर येथील भाजपचे नवनियुक्त जिल्हामंत्री विनोद नायक (Vinod Nayak ) यांचे रविवारी हृदयविकाराच्या झटक्याने निधन झाले. ते अवघे 45 वर्षांचे होते. त्यांच्या अकाली निधनामुळे पक्षासह संपूर्ण परिसरात शोककळा पसरली आहे. (BJP News) मिळालेल्या माहितीनुसार, कानपूर जिल्ह्यातील सिकंदरा परिसरातील परौख गावात ‘व्हिलेज चलो अभियान’ अंतर्गत आयोजित कार्यक्रमासाठी ते जात होते. या कार्यक्रमादरम्यान अचानक त्यांच्या छातीत तीव्र वेदना सुरू झाल्या आणि ते जागीच कोसळले. (BJP News) घटनास्थळी उपस्थित कार्यकर्त्यांनी तातडीने त्यांना जवळच्या सरकारी रुग्णालयात दाखल केले. त्यानंतर प्रकृती गंभीर असल्याने त्यांना कानपूरमधील हृदयविकार तज्ज्ञ रुग्णालयात हलविण्यात आले. मात्र डॉक्टरांच्या प्रयत्नांनंतरही त्यांना वाचवता आले नाही. BJP News BJP News : भाजपच्या नवनियुक्त मंत्र्याचे निधन; पक्षाचा तडफदार चेहरा हरपला भाजपच्या स्थानिक नेतृत्वासह अनेक पदाधिकाऱ्यांनी त्यांच्या निधनाबद्दल तीव्र शोक व्यक्त केला आहे. जिल्हाध्यक्ष रेणुका सचन यांनी विनोद नायक हे समर्पित आणि कार्यक्षम नेते होते, असे सांगत त्यांच्या जाण्याने पक्षाचे मोठे नुकसान झाल्याची भावना व्यक्त केली. विनोद नायक हे सिकंदरा परिसरात अत्यंत लोकप्रिय होते. त्यांच्या साध्या स्वभावामुळे आणि कार्यकर्त्यांशी असलेल्या जवळिकीमुळे ते सर्वांच्या मनात विशेष स्थान निर्माण करून होते. त्यांच्या निधनामुळे राजकीय वर्तुळात हळहळ व्यक्त केली जात आहे. (BJP News)
