BJP Leader : अहिल्यानगर जिल्ह्यातील नेवासा येथे भाजपचे जिल्हा उपाध्यक्ष ऋषिकेश शेटे यांच्यावर जमावाने हल्ला केल्याची धक्कादायक घटना घडली. अतिक्रमण हटवण्याच्या कारवाईवरून वाद झाल्यानंतर हा प्रकार घडल्याची माहिती आहे. (BJP Leader)

नगरपंचायतीच्या पथकाकडून अनधिकृत फेरीवाल्यांवर कारवाई सुरू असताना काही जणांनी विरोध केला. त्याचवेळी शेटे यांची गाडी घटनास्थळावरून जात होती. गैरसमजातून काही नागरिक आक्रमक झाले आणि त्यांच्या गाडीची तोडफोड करण्यात आली. शेटे यांच्यावर चाकूने वार करण्याचाही प्रयत्न झाल्याची माहिती आहे. (BJP Leader)

घटनेची माहिती मिळताच पोलिसांनी तातडीने हस्तक्षेप करून परिस्थिती नियंत्रणात आणली. या प्रकरणी ९० ते १०० जणांवर गुन्हा दाखल करण्यात आला असून ७ जणांना पोलिसांनी ताब्यात घेतले आहे. (BJP Leader)

घटनेनंतर परिसरात तणावाचे वातावरण निर्माण झाले असून, कायदा व सुव्यवस्था राखण्यासाठी पोलिसांचा बंदोबस्त तैनात करण्यात आला आहे. पोलीस प्रशासनाने नागरिकांना अफवांवर विश्वास न ठेवता शांतता राखण्याचे आवाहन केले आहे. तसेच, कायदा हातात घेणाऱ्यांवर कठोर कारवाई केली जाईल, असा इशाराही देण्यात आला आहे. (BJP Leader)

Bjp Leader Pass Away : भाजपच्या ‘या’ ज्येष्ठ नेत्याचं निधन; राजकीय वर्तुळात शोककळा

BJP Leader Resign : भाजपमध्ये मोठा भूकंप! राष्ट्रीय प्रवक्ते शहजाद पूनावालांचा राजीनामा; ‘या’ 2 कारणांनी राजकीय वर्तुळात खळबळ