Weather Update : राज्यातील काही भागांत हलका ते मध्यम पाऊस सुरू असला, तरी अनेक ठिकाणी पावसाने उघडीप घेतली आहे. त्यामुळे शेतकऱ्यांना अद्याप समाधानकारक पावसाची प्रतीक्षा आहे. २७ ऑगस्ट रोजी महाराष्ट्रातील कोणत्याही जिल्ह्यासाठी पावसाचा अलर्ट जारी करण्यात आलेला नाही. (Weather Update)

कोकणात हलका ते मध्यम पाऊस

पालघर, ठाणे, मुंबई आणि रायगडमध्ये मेघगर्जनेसह हलक्या ते मध्यम सरींची शक्यता आहे. रत्नागिरी आणि सिंधुदुर्गमध्ये मध्यम पाऊस पडू शकतो. मात्र, कोणताही अलर्ट नाही. (Weather Update)

पश्चिम महाराष्ट्रातही उघडीप कायम

पुणे, सातारा आणि सांगलीमध्ये हलक्या पावसाची शक्यता आहे. पुणे, सातारा आणि कोल्हापूरच्या घाटमाथ्यावर मध्यम स्वरूपाचा पाऊस पडण्याचा अंदाज आहे. सोलापूरमध्येही हलका ते मध्यम पाऊस होऊ शकतो. (Weather Update)

उत्तर महाराष्ट्रात तुरळक पाऊस

धुळे, नंदुरबार, जळगाव, नाशिक आणि अहिल्यानगरमध्ये हलक्या पावसाची शक्यता आहे. नाशिकच्या घाटमाथ्यावर मध्यम पाऊस पडण्याचा अंदाज आहे. या भागासाठीही कोणताही अलर्ट नाही. (Weather Update)

मराठवाड्यात मेघगर्जनेसह सरी

छत्रपती संभाजीनगर, जालना, परभणी, बीड आणि धाराशिवमध्ये मेघगर्जनेसह हलक्या सरी पडण्याची शक्यता आहे. हिंगोली, नांदेड आणि लातूरमध्ये हलका ते मध्यम पाऊस होऊ शकतो. मराठवाड्यातही कोणताही अलर्ट जारी करण्यात आलेला नाही. (Weather Update)

विदर्भात पावसाची उघडीप

अकोला, अमरावती, बुलढाणा, वाशिम, यवतमाळ, नागपूर, वर्धा, भंडारा, गोंदिया, चंद्रपूर आणि गडचिरोली या जिल्ह्यांसाठी २७ ऑगस्टला कोणताही इशारा नाही. काही तुरळक ठिकाणी ढगाळ वातावरण आणि हलक्या सरींची शक्यता आहे. (Weather Update)

थोडक्यात : २७ ऑगस्टला राज्यात मोठ्या पावसाचा कोणताही अलर्ट नसला, तरी कोकण, मध्य महाराष्ट्र आणि मराठवाड्यात काही ठिकाणी हलका ते मध्यम पाऊस पडू शकतो. विदर्भात मात्र प्रामुख्याने उघडीप राहण्याचा अंदाज आहे. (Weather Update)

Rain Alert : महाराष्ट्रासह अनेक राज्यांमध्ये मुसळधार पावसाचा इशारा; जाणून घ्या हवामानाचा अंदाज