Rajya Sabha Election 2026 : महाराष्ट्रातील राज्यसभेच्या निवडणुकीसाठी भाजपने चार उमेदवारांची नावांची घोषणा केली आहे. भाजपकडून रामदास आठवले, विनोद तावडे, माया चिंतामण ईवनाते आणि रामराव वडकुते यांना उमेदवारी दिली आहे. भाजपकडून अनेक नावांची चर्चा राज्यसभेसाठी होती. यामुळे नावांच्या घोषणेकडे सर्वांचे लक्ष होते. अखेर भाजपने चार राज्यसभेच्या उमेदवारांच्या नावांची घोषणा केली असून, यामध्ये कोणत्या नवीन चेहऱ्यांना संधी दिली जाणार याकडे देखील लक्ष होते. या निवडणुकीत भाजपने धक्कातंत्र देत नागपूरच्या माजी महापौर मायाताई इवनाते तसेच माजी आमदार रामराव वडकुते या नवीन चेहऱ्यांना संधी दिली आहे. कोण आहेत मायताई ईवनाते? (Rajya Sabha Election 2026) मायाताई चिंतामण इवनाते या नागपूरच्या माजी महापौर राहिलेल्या आहेत. त्यांनी १५ डिसेंबर २००७ ते २३ डिसेंबर २००९ पर्यंत नागपूर महानगरपालिकामध्ये महापौर पद भूषवले आहे. त्या अनेक वर्षांपासून नागपूर शहर भाजपमध्ये सक्रिय आहेत. त्या आदिवासी समाजातून येतात. तसेच त्यांना विविध पदांचा अनुभव आहे. राष्ट्रीय अनुसूचित जमाती आयोग ( NCST) च्या सदस्य राहिलेल्या आहेत. नुकत्याच झालेल्या निवडणुकीत नागपूर महानगरपालिका भाजपकडून नगरसेविका म्हणून निवडून आल्या आहेत. कोण आहेत रामराव वडकुते? Rajya Sabha Election 2026 रामराव वडकुते हे विधान परिषदेचे माजी आमदार आहेत. २०१९ मध्ये त्यांनी राष्ट्रवादी काँग्रेसची साथ सोडत भाजपात पक्ष प्रवेश केला. रामराव वडकुते यांनी हिंगोली विधानसभेतून उमेदवारी मिळावी यासाठी ते इच्छुक होते. मात्र त्यांना उमेदवारी मिळाली नाही. त्यामुळे ते नाराज होते. या नाराजीमुळेच त्यांनी भाजपमध्ये प्रवेश केला. अहिल्यादेवी होळकर शेळी मेंढी विकास महामंडळाचे अध्यक्षपद रामराव वडकुते यांनी भूषवलं आहे. परभणी जिल्ह्यात धनगर प्रश्नांसाठी ते सुरुवातीपासून सक्रिय आहेत. हिंगोली जिल्ह्यातील कळमनुरी विधानसभा मतदारसंघात कार्यरत राहिले. दरम्यान, १० राज्यांमधील ३७ राज्यसभेच्या जागांसाठी१६ मार्च रोजी निवडणुका होणार आहेत. रिक्त जागांपैकी १२ जागांवर एनडीए आहे, तर २५ जागांवर विरोधी पक्षांचा समावेश आहे. महाराष्ट्रात सर्वाधिक ७ जागा आहेत, तर तामिळनाडू ६ आणि पश्चिम बंगाल आणि बिहारमध्ये प्रत्येकी ५ जागा आहेत. हेही वाचा : Adulterated Mawa: भेसळयुक्त माव्याच्या मिठाईमुळे यकृत-मूत्रपिंड धोक्यात? ही लक्षणे दिसताच तातडीने घ्या वैद्यकीय सल्ला
