BJP Candidate List : तमिळनाडू भाजपचे प्रमुख चेहरा आणि माजी प्रदेशाध्यक्ष के.अन्नामलाई यांना पक्षाने मोठा झटका दिला आहे. आगामी तमिळनाडू विधानसभा निवडणुकीसाठी (BJP Candidate List) भाजपने जाहीर केलेल्या २७ उमेदवारांच्या यादीत अन्नामलाई यांचे नाव नसल्याने राजकीय वर्तुळात आश्चर्य व्यक्त केले जात आहे. काही महिन्यांपासून पक्षात नाराज असलेल्या अन्नामलाई यांना निवडणुकीच्या (BJP Candidate List) तोंडावर उमेदवारी नाकारण्यात आल्याने हा निर्णय धक्कादायक मानला जात आहे. भाजपने शुक्रवारी (३ एप्रिल २०२६) तमिळनाडू विधानसभा निवडणुकीसाठी आपल्या २७ उमेदवारांची यादी जाहीर केली. या यादीत (BJP Candidate List) पक्षातील ज्येष्ठ नेत्यांना संधी देण्यात आली असली तरी, तमिळनाडूत भाजपला रुजवण्यात महत्त्वाची भूमिका बजावणाऱ्या के. अन्नामलाई यांचे तिकीट कापण्यात आले आहे. अन्नामलाई हे पंतप्रधान नरेंद्र मोदी आणि केंद्रीय गृहमंत्री अमित शाह यांचे अत्यंत जवळचे नेते म्हणून ओळखले जातात. BJP Candidate List अन्नामलाईंची नाराजी आणि पार्श्वभूमी के. अन्नामलाई हे भाजपचे आक्रमक युवा नेतृत्व म्हणून प्रसिद्ध आहेत. तमिळनाडूत भाजपची पाळेमुळे रोवण्यात त्यांचा मोठा वाटा आहे. मात्र काही महिन्यांपूर्वी भाजपने त्यांना प्रदेशाध्यक्षपदाचा राजीनामा देण्यास सांगितले होते. भाजप आणि अण्णाद्रमुक (एआयएडीएमके) यांच्यातील युती आणि जागा वाटपावर अन्नामलाई यांनी तीव्र नाराजी व्यक्त केली होती. यासंदर्भात त्यांनी दिल्लीतील पक्षाच्या वरिष्ठ नेत्यांना पत्रही लिहिले होते. मागील विधानसभा निवडणुकीवेळी अन्नामलाई यांच्या सांगण्यावरून भाजपने अण्णाद्रमुकसोबतची युती तोडल्याची चर्चा होती. त्यावेळी पक्षाला दारुण पराभव स्वीकारावा लागला होता. नंतर भाजपने पुन्हा अण्णाद्रमुकशी युती केली आणि त्यानंतर अन्नामलाई यांनी प्रदेशाध्यक्षपदाचा राजीनामा दिला होता. जागा वाटपावर अन्नामलाईंचा आरोप एनडीएने तमिळनाडू विधानसभा निवडणुकीसाठी २३४ जागांच्या वाटपाला अंतिम रूप दिले आहे. यात अण्णाद्रमुकला १६९ जागा, भाजपला फक्त २७ जागा, पीएमकेला १८ आणि एएमएमकेला ११ जागा देण्यात आल्या आहेत. अन्नामलाई यांनी या जागा वाटपावर तीव्र नाराजी व्यक्त करताना दावा केला होता की, अण्णाद्रमुकने स्वतःसाठी सोप्या (विजयाच्या दृष्टीने चांगल्या) जागा ठेवल्या आहेत आणि जिंकण्यास अवघड असलेल्या जागा भाजपला दिल्या आहेत. निवडणुकीची पार्श्वभूमी तमिळनाडू विधानसभा निवडणुकीचे मतदान २३ एप्रिल २०२६ रोजी होणार असून, मतमोजणी ४ मे २०२६ रोजी होईल. यावेळी मुख्य लढत द्रमुक आघाडी विरुद्ध अण्णाद्रमुक-भाजप युती आणि इतर स्थानिक पक्षांमध्ये अपेक्षित आहे. अन्नामलाई यांचे अण्णाद्रमुकचे नेते के. पलानीस्वामी यांच्याशी कटू संबंध आहेत. या पार्श्वभूमीवर भाजपने अण्णाद्रमुकशी केलेल्या आघाडीमुळे आणि अन्नामलाईंच्या विरोधकांशी असलेल्या संबंधांमुळे त्यांना निवडणुकीच्या रिंगणापासून दूर ठेवण्याचा निर्णय घेतल्याचे बोलले जात आहे. भाजपची उमेदवार यादी भाजपने जाहीर केलेल्या यादीत (BJP Candidate List) केंद्रीय मंत्री एल. मुरुगन यांना अविनासी मतदारसंघातून, तर तेलंगणाच्या माजी राज्यपाल तिमिलासाई सुंदरराजन यांना मायलापूर मतदारसंघातून उमेदवारी देण्यात आली आहे. याशिवाय पक्षातील इतर ज्येष्ठ नेत्यांनाही संधी देण्यात आली आहे.
