Vishal Aggarwal : २०२४ मध्ये पुण्यातील कल्याणी नगर भागात झालेल्या पोर्शे अपघात प्रकरणी एक मोठी बातमी समोर आली आहे. या अपघातात पोर्श कार चालवल्याचा आरोप असलेल्या अल्पवयीन मुलाचे वडील विशाल अग्रवाल यांना सर्वेाच्च न्यायालयाने जामीन मंजूर केला आहे. नेमकं काय घडलं? Vishal Aggarwal १९ मे २०२४ च्या रात्री पुण्यातील कोरेगाव पार्क परिसरातील कल्याणीनगर भागात एका पोर्शे कारने दुचाकीवरुन जाणाऱ्या दोन अभियंत्यांना धडक दिली होती. या अपघातात अश्विनी कोस्टा आणि अनिश अवधिया यांचा जागीचा मृत्यू झाला होता. अपघाताच्या वेळी गाडी चालवणारा तरूण हा १७ वर्षे आणि ८ महिन्यांचा होता आणि त्याने मद्य प्राशन केले होते. या अपघातानंतर राज्यभरात ही घटना वेगाने पसरली. एका धनदांडग्याच्या टवाळखोर पोराने दोन निष्पापांचा कारने धडक देऊन जीव घेतला होता. यामुळे आरोपीवर कठोर कारवाई करण्यात यावी अशी मागणी जोर धरु लागली होती. या प्रकरणी सुरुवातीला पोलिसांनी निष्काळजीपणे गाडी चालवल्याचा गुन्हा दाखल केला होता, परंतु जेव्हा आरोपीने मद्याचे सेवन करुन कार चालल्याचे सिद्ध झाले. तेव्हा प्रकरण आणखी गंभीर बनले. बाल न्याय मंडळाने अवघ्या १४ तासांत आरोपीला १०० शब्दांचा निबंध, ‘समाजसेवा’ आणि ‘अभ्यासावर लक्ष केंद्रित करणे’ अशा अटी घालून जामीन मंजूर केला होता. त्यानंतर देशभरात संतापजनक प्रतिक्रिया उमटल्या. अपघातानंतर विशाल अग्रवालवर गाडीतील व्यक्तींचे रक्ताचे नमुने बदल्याचा आरोप ठेवण्यात आला होता. त्यानंतर त्यांना अटक करण्यात आली. साधारण घटनेपासून २२ महिने विशाल अग्रवाल जेलमध्ये होते. त्यानंतर आता सुप्रीम कोर्टाकडून विशाल अग्रवालला जामीन मंजूर केला असून, यामुळे त्यांना दिलासा मिळाला आहे. विशाल अग्रवाल कोण? Vishal Aggarwal विशाल अग्रवाल हे एक बांधकाम व्यावसायिक आहेत. ब्रम्हा कॉर्प हा त्यांचा बांधकाम उद्योग समुह आहे. गेल्या ४० वर्षांपासून हा समुह पुण्यामध्ये बांधकाम व्यवसायात आघाडीवर आहे. ब्रह्मदत्त अग्रवाल यांनी हा उद्योग समुह स्थापन केला असून त्यामध्ये अनेक कंपन्या आहेत. Pune Porsche crash case ब्रम्हकोर्प उद्योग समूहातील ब्रम्हा मल्टीस्पेस आणि ब्रम्हा मल्टीकॉन या कंपन्यांची जबाबदारी ब्रम्हदत्त अग्रवाल यांच्याकडून त्यांचा मुलगा सुरेंद्र अग्रवाल आणि त्यानंतर आता सुरेंद्र यांचा मुलगा विशाल अग्रवाल यांच्याकडे आली आहे. विशाल अग्रवाल यांना आलिशान गाड्यांचा प्रचंड शौक आहे. यातीलच एक गाडी म्हणजे पोर्शे कार. या कारची किंमत कोटींच्या घरात आहे. हेही वाचा : ESMA Act : युद्धामुळे गॅस सिलिंडरचा तुटवडा! देशभरात ‘एस्मा’ कायदा लागू; केंद्र सरकारचा मोठा निर्णय