पुणे – पुणे महानगरपालिका हद्दीतील अत्यावश्यक सेवा वगळता इतर सर्व दुकाने, माॅल, सलून, ब्युटी पार्लर, स्पा, वेलनेस सेंटर शनिवार आणि रविवारी पूर्णत: बंद राहतील. तर रेस्टाॅरंट, बार, फूड कोर्टमधून केवळ पार्सल सेवा सुरु राहील, अशी माहिती महापौर मुरलीधर मोहोळ यांनी ट्विट करून दिली आहे.

अनलाॅकनंतर शनिवार आणि रविवारीही सर्व दुकाने सुरु राहणार की नाही असा अनेक व्यापाऱ्यांमध्ये संभ्रम होता. मात्र आता पुण्याचे महापौर मुरलीधर मोहोळ यांनी ट्विट करत अत्यावश्यक सेवा वगळा इतर सर्व दुकाने बंद राहणार असल्याचे स्पष्ट केले आहे.

शनिवार-रविवार सर्व दुकानं, मॉल, सलून बंद राहणार !

पुणे मनपा हद्दीतील अत्यावश्यक सेवा वगळता इतर सर्व दुकाने, मॉल, सलून, ब्युटी पार्लर, स्पा आणि वेलनेस सेंटर हे शनिवार आणि रविवार पूर्णतः बंद राहतील. तर रेस्टॉरंट, बार, फूड कोर्टमधून शनिवार-रविवार केवळ पार्सल सेवा देता येईल.

— Murlidhar Mohol (@mohol_murlidhar) June 18, 2021

पुण्यात आज 280 नवे करोनाबाधित –

पुण्यात आज (दि.18) 280 नवीन करोनाबाधितांची नोंद झाली आहे असून 318 जणांना डिस्चार्ज देण्यात आला आहे. तर 7 जणांचा करोनामुळे मृत्यू झाला आहे. सध्या पुण्यात एकूण 2658 करोनाबाधित रुग्णांवर उपचार सुरु आहेत.