Tamilnadu Election Results 2026 : तामिळनाडू विधानसभा निवडणुकीसाठी मतमोजणी सुरू झाली आहे. तामिळनाडूच्या आकडेवारीत आता मोठा बदल बघायला मिळत आहे. सुरुवातीच्या कलांमध्ये अभिनेता विजय यांच्या टीव्हीके (TVK) पक्षाने सर्वांना धक्का देत आघाडी घेतली आहे, तर सत्ताधारी डीएमके (DMK) पिछाडीवर आहे. अशाप्रकारे, टीव्हीके राज्यभरात आपला प्रभाव पाडताना दिसत आहे. (Tamilnadu Election Results 2026) तमिळनाडूतील २३४ जागांवर मतमोजणी सुरू असून, यामध्ये टीव्हीके (TVK) ८०, डीएमके (DMK) ५९ आणि एआयएडीएमके (AIADMK) ४४ जागांवर आघाडीवर आहे. निवडणुकीच्या निकालांमधील ही उसळी सुरुवातीच्या कलांमधील एक मोठी झेप असून, यामुळे टीव्हीके केवळ ‘गेम-चेंजर’ म्हणून नाही तर या शर्यतीतील प्रमुख दावेदार म्हणून प्रस्थापित होताना दिसत आहे. (Tamilnadu Election Results 2026) २३४ मतदारसंघांमधील समोर येत असलेले कल पाहता, टीव्हीकेची ही सुरुवातीची आघाडी एक महत्त्वाचा संकेत देत आहे. ही निवडणूक आता केवळ द्रविड मुन्नेत्र कळघम (DMK) आणि ऑल इंडिया अण्णा द्रविड मुन्नेत्र कळघम (AIADMK) यांच्यातील सरळ लढत राहिलेली नाही, हे स्पष्ट होत आहे. तर आता TVK पक्ष देखील येथील सत्ताधाऱ्यांची चिंता वाढवत असल्याचे दिसत आहे. Tamilnadu Election Results 2026 दररम्यान, तामिळनाडूमध्ये देखील ८५.१४ टक्क्यांसह मतदानाचे सर्व जुने विक्रम मोडले गेले आहेत. मतदानाचा हा वाढलेला टक्का नेमकी कोणाची सत्ता उलथवून लावणार, हे दुपारपर्यंत स्पष्ट होईल. सध्या सर्वच मतमोजणी केंद्रांवर कडक सुरक्षा व्यवस्था तैनात करण्यात आली आहे. सध्या पोस्टल मतमोजणी सुरु असून त्यानंतर ईव्हीएमची मतमोजणी सुरु होऊन त्याचे कल समोर येणार आहेत. यानंतरच विजयाचे स्पष्ट चित्र समोर येणार आहे. Tamilnadu Election Results 2026 हेही वाचा: West Bengal: पश्चिम बंगालमध्ये सत्ता पालटाचे वारे? ; मतमोजणीच्या पहिल्या तासांत ट्विस्ट
