Rahul Gandhi – काँग्रेसचा जुनी मित्रपक्ष आणि आता विरोधक बनलेल्या एम. के. स्टॅलिन यांच्या द्रमुक पक्षाने राहुल गांधींवर गंभीर सवाल उपस्थित केले आहेत. मुख्य निवडणूक आयुक्त ज्ञानेश कुमार यांच्या नेतृत्वाखालील मतदारांची विशेष सखोल फेरतपासणी प्रकरणाविरोधात विरोधी पक्षांनी देशभरात तीव्र आंदोलन पुकारले आहे. याच मुद्द्यावरून द्रमुकने राहुल गांधींना लक्ष्य केले आहे.

द्रमुकचे नेते सरवणन अन्नादुरई यांनी सोशल मीडिया प्लॅटफॉर्म एक्सवर एक पोस्ट शेअर करत विचारले की, तामिळनाडूमध्ये एसआयआर प्रक्रियेद्वारे मतदारांची नावे वगळण्याबाबत राहुल गांधींची नेमकी भूमिका काय आहे? एसआयआर प्रक्रियेनंतर निवडक राज्यांमधील सरकारे बरखास्त केली पाहिजेत, असे काँग्रेस अध्यक्ष मल्लिकार्जुन खरगे यांनी म्हटले होते.

राहुल गांधी या वक्तव्याचे समर्थन का करत नाहीत, असा सवाल द्रमुकने केला. तामिळनाडूमध्ये एसआयआरच्या मुद्द्यावर बोलण्यास राहुल गांधी मुख्यमंत्री थलपती विजय यांना घाबरत आहेत का, असा खडा सवालही विचारण्यात आला. किती दुटप्पी व्यक्ती आहेत, अशा शब्दांत द्रमुक नेत्याने राहुल गांधींवर टीकास्त्र सोडले.

द्रमुकने जरीविरोधी आघाडीला काही मुद्द्यांवर नैतिक पाठिंबा दर्शवला असला, तरीही अशा प्रकारच्या सोशल मीडिया टीकेमुळे दोन्ही पक्षांमधील दुरावा स्पष्टपणे समोर येत आहे. या प्रकरणी राहुल गांधी किंवा काँग्रेस पक्षाकडून अद्याप कोणतीही अधिकृत प्रतिक्रिया आलेली नाही.