BHMS Doctor : न्यायालयाचा अंतिम निर्णय येईपर्यंत राज्यातील बीएचएमएस डॉक्टरांची महाराष्ट्र मेडिकल कौन्सिलमधील (एमएमसी) नोंदणी बंद ठेवण्याचा निर्णय राज्याच्या वैद्यकीय शिक्षण विभागाने घेतला आहे. इंडियन मेडिकल असोसिएशन आणि सेंट्रल मार्ड या डॉक्टरांच्या संघटनांनी केलेल्या तीव्र विरोधानंतर सरकारने हा निर्णय जारी केला आहे. (BHMS Doctor)

बीएचएमएस डॉक्टरांनी 3 ऑगस्टच्या शासन निर्णयानुसार, महाराष्ट्र मेडिकल कौन्सिलमध्ये नोंदणी करण्यात यावी, यासाठी मुंबईत मोठे आंदोलन छेडले होते. मात्र, होमिओपॅथी डॉक्टरांचा एमएमसीमध्ये समावेश करण्यास ॲलोपॅथी डॉक्टरांच्या संघटनांनी (आयएमए आणि मार्ड) जोरदार विरोध दर्शवल्याने वाद निर्माण झाला होता. (BHMS Doctor)

वैद्यकीय शिक्षण विभागाने पत्रकात म्हटले की, सध्याची परिस्थिती तसेच नोंदणीची योग्य कार्यपद्धती निश्चित होईपर्यंत नोंदणी थांबवणे आवश्यक आहे. याप्रकरणी मुंबई उच्च न्यायालयाचा अंतिम निर्णय येईपर्यंत बीएचएमएस डॉक्टरांची महाराष्ट्र मेडिकल कौन्सिलमध्ये नोंदणी करणे संयुक्तिक राहणार नाही, असे शासनाने स्पष्ट केले आहे. (BHMS Doctor)

महाराष्ट्र मेडिकल कौन्सिलमध्ये बीएचएमएस डॉक्टरांच्या नोंदणीला इंडियन मेडिकल असोसिएशन आणि मार्डने आक्रमक भूमिका घेत विरोध केला होता. यापूर्वी झालेल्या संपामुळे आरोग्य सेवेवर झालेला परिणाम लक्षात घेता, प्रशासनाने दोन्ही बाजू समजून घेऊन मध्यस्थीचा मार्ग अवलंबला आहे. वैद्यकीय शिक्षण विभागाने यासंदर्भात अधिकृत पत्रक जारी करून आपली भूमिका स्पष्ट केली आहे. (BHMS Doctor)

Maharashtra Doctors Strike: राज्यभरात निवासी डॉक्टरांचा संप; रुग्णालयातील सेवा विस्कळीत?

Doctors protest: उद्या हॉस्पिटल्स बंद; राज्यातील डॉक्टरांचा संप