कोणत्या कलमांखाली गुन्हा दाखल –

पोलिसांनी भारतीय दंड संहितेच्या कलम १०५ (खून न करता सदोष मनुष्यवध करून मृत्यू घडवणे), १२५(१२) (इतरांचे जीवन किंवा वैयक्तिक सुरक्षा धोक्यात आणणे), १४२ (बेकायदेशीर जमवाजमव), १२१ (उत्तेजना) आणि १९० (बेकायदेशीर जमवाजमवीच्या सदस्याने केलेल्या गुन्ह्यांची जबाबदारी) अंतर्गत एफआयआर नोंदवला आहे.

RCB पर FIR दर्ज की गई है कोई राजनीति नहीं सरकार अपना काम करेगी

#BengaluruStampede pic.twitter.com/3dJemrySRm

— Manjeet Ghoshi (@ghoshi_manjeet) June 5, 2025

त्याच वेळी, वकील नटराज शर्मा यांनीही या प्रकरणात मुख्यमंत्री सिद्धरामय्या, उपमुख्यमंत्री डीके शिवकुमार, केएससीए अधिकारी आणि आरसीबी खेळाडूंविरुद्ध पोलिस तक्रार दाखल केली आहे. त्यांनी आरोप केला आहे की या सर्वांनी कार्यक्रमाचे आयोजन आणि गर्दी व्यवस्थापनात गंभीर निष्काळजीपणा दाखवला, ज्यामुळे ही दुर्घटना घडली. विशेष म्हणजे स्टेडियमची क्षमता फक्त ३५,००० असताना २-३ लाख चाहते जमले होते.

हेही वाचा – French Open 2025 : वाइल्डकार्डची चमत्कारिक झेप; लोइस बोइसनने फ्रेंच ओपनमध्ये रचला इतिहास!

चेंगराचेंगरीत ११ जणांचा मृत्यू –

बुधवारी हा अपघात घडला जेव्हा १८ वर्षांनी आरसीबीने आयपीएल ट्रॉफी जिंकल्याचा आनंद साजरा करण्यासाठी हजारो लोक स्टेडियम बाहे जमले होते. चिन्नास्वामी स्टेडियममध्ये आरसीबीच्या खेळाडूंचा सत्कार समारंभ होणार होता, त्यात सहभागी होण्यासाठी लाखो चाहते पोहोचले होते. प्रत्यक्षदर्शींच्या म्हणण्यानुसार, उत्सवादरम्यान, स्टेडियमच्या आत आणि बाहेर अचानक गर्दी अनियंत्रित झाली, ज्यामुळे गोंधळ उडाला. यामुळे अनेक लोक चिरडले गेले, ज्यामध्ये ११ जणांचा मृत्यू झाला, तर ३३ जण जखमी झाले.

हेही वाचा – Bengaluru Stampede : RCB ची मोठी घोषणा; चेंगराचेंगरीतील मृतांच्या कुटुंबांना 10 लाखांची मदत जाहीर

दुर्घटना कशी घडली?

लाखो आरसीबी चाहते चिन्नास्वामी स्टेडियममध्ये त्यांच्या संघाचा जयजयकार करण्यासाठी आणि विजयी खेळाडूंची एक झलक पाहण्यासाठी पोहोचले होते. यादरम्यान, नाल्यावर लावलेल्या तात्पुरत्या स्लॅबवर मोठी गर्दी उभी होती. असे सांगितले जात आहे की स्लॅब लोकांचे वजन सहन करू शकला नाही आणि अचानक तुटला, ज्यामुळे चेंगराचेंगरी झाली. प्रत्यक्षदर्शींनी सांगितले की, स्लॅब तुटल्याने अनेक लोक खाली पडले आणि गर्दीत चिरडले गेले.