Bavdhan : आई जसे लेकराचे सर्वस्व करते, तसे बापूसाहेबांनी आपल्या वडिलांसाठी सर्वस्व अर्पण केले. वडिलांवर अपार प्रेम करणारा असा सुपुत्र मी पहिल्यांदाच पाहत आहे, असे भावनिक उद्गार भागवताचार्य ह.भ.प. सोपान महाराज सानप शास्त्री यांनी काढले. ज्याच्या पाठीशी आई-वडिलांचे आशीर्वाद असतात, त्याला जगातील इतर कोणत्याही आशीर्वादाची गरज भासत नाही. बापूसाहेबांनी वडिलांच्या स्मृतीप्रित्यर्थ उभा केलेला भक्तीचा उत्सव समाजाला माता-पित्याची सेवा करण्याचा एक संदेश देणारा ठरला असल्याचे सानप शास्त्री यांनी सांगितले.

कै. ज्ञानोबा बाबुराव दगडे पाटील (मुकादम) यांच्या द्वितीय पुण्यस्मरणामित्त आयोजित ग्रंथराज ज्ञानेश्वरी पारायण व अखंड हरिनाम सप्ताहाला शुक्रवारी (दि. २) भक्तीमय वातावरणात सुरवात झाली. भागवताचार्य ह.भ.प. सोपान महाराज सानप (हिंगोली) यांच्या कीर्तनाने सप्ताहाचा प्रारंभ झाला. यावेळी भोर,राजगड, मुळशीचे आमदार शंकर मांडेकर, ह.भ.प. पुरुषोत्तम महाराज पाटील, जिल्हा परिषद सदस्य शांताराम इंगवले, नगरसेवक दिलीप वेडेपाटील, रूपाली पवार, माजी सरपंच बबनराव दगडे, माजी उपसरपंच दिलीप दगडे, पोलिस पाटील बबनराव दगडे, माजी सरपंच तानाजी दगडे, सुदाम भुंडे, राजू भुंडे, उद्योजक राजेंद्र बांदल, सुर्यकांत भुंडे, दिपक दगडे किरण गवारी यासह ग्रामस्थ उपस्थित होते.

या सप्ताहात दि. ३ ऑक्टोबर रोजी ह.भ.प. निवृत्ती महाराज देशमुख (इंदुरीकर) यांची किर्तनसेवा झाली तर ह.भ.प. उमेश महाराज दशरथे, ह.भ.प. जगन्नाथ महाराज पाटील, ह.भ.प. अंकुश महाराज साखरे, ह.भ.प. विशाल महाराज खोले, ह.भ.प. अनंत महाराज काळे यांच्यासह ह.भ.प. पुरुषोत्तम महाराज पाटील यांच्या काल्याच्या कीर्तनाने सोहळ्याची सांगता होईल. सप्ताहाचे संयोजन दिलीप दगडे, तानाजी दगडे, गणेश दगडे, नितीन दगडे, ह.भ.प. रोहिदास महाराज बर्गे, ह.भ.प. राम महाराज पवळ, ह.भ.प. अनंत महाराज काळे, ह.भ.प. पुंडलिक दगडे यांनी केले. निवेदन स्वप्निल तापकीर आणि नितीन चांदेरे यांनी केले.

किर्तनसोहळ्यात राम महाराज पवळ आणि माऊली महाराज तांबे यांच्या मृदुंगवादनाने आणि गायक नवनाथ गिते, शुभम महाराज, सुरदास नंदुबाबा घुले यांच्या गायनाने सर्वांची मने जिंकली. यावेळी आमदार शंकर मांडेकर यांनी संपूर्ण किर्तनाचा आनंद घेतला.