बारामती – महीला अरोपी व निलंबित पोलीसांकडून प्रतिष्ठीत व्यक्तींवर हनीट्रॅप करून खंडणी वसूल करणाऱ्या टोळीला बारामती पोलिसांनी गजाआड केले आहे. यामध्ये दोन महिला आरोपींचा देखील समावेश आहे. ते चौघेजण हनीट्रॅप करायचे प्रतिष्ठित लोक गाठायचे, त्यांच्यावर हनीट्रॅप करायचा आणि खंडणी वसूल करायची अशी या टोळीची पद्धत होती. त्यांनी दहा ते बारा आतापर्यंत गुन्हे केले आहेत. बारामतीत महिला दिनाच्या दिवशी महिला पोलिसांच्या हातात कारभार होता आणि या महिला अधिकाऱ्यांनीच या हनीट्रॅपची टोळी उध्वस्त केली. विशेष म्हणजे चार जणांना अटक केल्यानंतर हनीट्रॅप घडवून आणणारा मास्टरमाइंड हा मुंबईतील बडतर्फ पोलीस निघाला आहे. बारामती पोलिसांनी ही कारवाई केल्याची माहिती पोलिस निरीक्षक नामदेव शिंदे यांनी दिली. स्मिता दिलीप गायकवाड (वय 23 रा. फलटण), आशिष अशोक पवार (वय 27 रा.भुईंज ता. वाई), सुहासिनी योगेश अहिवळे (वय 26 रा. फलटण) व राकेश रमेश निंबोरे (24 रा. फलटण) अशी अटकेतील चौघांची नावे आहेत. पोलीस त्यांच्याकडून कसून तपास करीत असून आणखी गुन्हे उघडकीस येण्याची शक्यता आहे.
