ढाका – भारतीय संघ न्यूझीलंड दौऱ्यानंतर आता बांगलादेशच्या दौऱ्यावर आहे. या दौऱ्यामध्ये तीन एकदिवसीय सामन्यांसह दोन कसोटी सामने खेळवले जाणार आहेत. या दौऱ्याला उद्या म्हणजेच रविवारी ( BAN vs IND ) एकदिवसीय सामन्याने सुरूवात होणार आहे. रोहित शर्मा याच्या नेतृत्वाखाली पहिला सामना रविवारी ढाका येथे खेळला जाणार आहे. या सामन्यात विराट कोहली, रोहित शर्मा आणि केएल राहुल यांचे संघात पुनरागमन होणार आहे. या खेळाडूंना ऑस्ट्रेलियात खेळल्या गेलेल्या टी-20 विश्वचषकानंतर आराम दिला होता.

#BANvsIND | “मी उद्याचा सामना कसा खेळू…”,दीपक चहरसोबत घडली विचित्र घटना

टी-20 विश्वचषकात विराटने सर्वाधिक धावा केल्या आहेत. त्याचबरोबर त्याने 2022च्या हंगामातही सर्वाधिक 296 धावा केल्या आहेत. तसेच अन्य फलंदाजांच्या आकडेवारीबाबत सांगायचे झाल्यास शिखर धवनने 4 सामन्यात 186 धावा केल्या आहेत. तर कर्णधार रोहित शर्माने 6 सामन्यात 143 धावा फटकाविल्या आहेत. या दौऱ्यात राहुलकडे उपकर्णधाराची जबाबदारी सोपवण्यात आली आहे.

#BANvsIND | “मी उद्याचा सामना कसा खेळू…”,दीपक चहरसोबत घडली विचित्र घटना

गोलंदाजीबाबत सांगायचे झाल्यास जसप्रीत बुमराह आणि हार्दिक पांड्यासुद्धा संघात नाही. या दिग्गज गोलंदाजच्या अनुपस्थित भारतीय गोलंदाजीची बाजू कमकुवत दिसत आहे. त्यातच महंमद शमीही दुखापतीमुळे संघातून बाहेर पडल्याने डोकेदुखी वाढली आहे. या स्थितीत वॉशिंग्टन सुंदर आणि शार्दुल ठाकूर यांच्यावर वेगवान गोलंदाजीची मदार असणार आहे.

शमी “आउट’, उमरान “इन’

वेगवान गोलंदाज महंमद शमीला खांद्याच्या दुखापतीमुळे बांगलादेशविरुद्धच्या एकदिवसीय मालिकेतून वगळण्यात आले आहे. त्याच्या जागी युवा वेगवान गोलंदाज उमरान मलिकचा संघात समावेश करण्यात आला आहे. बीसीसीयआयने दिलेल्या माहितीनुसार, ऑस्ट्रेलियातून परतल्यानंतर सराव सत्रादरम्यान महंमद शमीच्या खांद्याला दुखापत झाली. सध्या एनसीए, बेंगळुरू येथे बीसीसीआयच्या वैद्यकीय पथकाच्या देखरेखीखाली त्याच्यावर उपचार सुरू आहे. तो तीन सामन्यांच्या एकदिवसीय मालिकेत भाग घेऊ शकणार नाही.

🗣️🗣️”It’s going be an exciting challenge against Bangladesh” – Captain, @ImRo45 speaks ahead of the 1st ODI in Dhaka #TeamIndia | #BANvIND pic.twitter.com/NtjCoHp4FT

— BCCI (@BCCI) December 3, 2022

संभाव्य संघ

भारत – रोहित शर्मा (कर्णधार), केएल राहुल (उपकर्णधार), शिखर धवन, विराट कोहली, रजत पाटीदार, श्रेयस अय्यर, राहुल त्रिपाठी, ऋषभ पंत, इशान किशन, शाहबाज अहमद, अक्षर पटेल, वॉशिंग्टन सुंदर, शार्दुल ठाकूर, महंमद सिराज, दीपक चहर, कुलदीप सेन, उमरान मलिक.

बांगलादेश – लिटन दास (कर्णधार, यष्टीरक्षक), नजमुल हुसेन शांती, यासिर अली, आसिफ हुसैन, महमुदुल्लाह रियाद, मेहिदी हसन, शकीब अल हसन, अनामुल हक, मुशफिकुर रहीम, नुरुल हसन, इबादत हुसेन, हसन महमूद, मुस्तफिजुर रहमान, नसम अहमद, तस्किन अहमद.