BAN vs IND – भारत आणि बांगलादेश यांच्यातील ३ एकदिवसीय सामन्यांच्या मालिकेतील पहिला सामना रविवारी ढाका येथील शेर-ए-बांगला स्टेडियमवर खेळवला जाणार आहे. या सामन्यासाठी भारतीय क्रिकेट संघाने मैदानावर कसून सराव केला आहे. या एकदिवसीय मालिकेसाठी वेगवान गोलंदाज दीपक चहरचीही संघात निवड झाली आहे. मात्र, मी पहिला वनडे सामना खेळणार कसा? असा सवाल चहरने उपस्थित केलाय. कारण बांगलादेश दौऱ्यावर येताना त्याच्यासोबत एक विचित्र घटना घडली आहे. ज्याबाबत त्याने आपल्या ट्विटर खात्यावरून माहिती दिली आहे.
चहरसोबत काय घडले?
दीपक चहर ज्या फ्लाइटमधून ढाक्याला आला, त्या फ्लाइटमध्ये त्याचे सामान त्याच्यासोबत आलेच नाही. याशिवाय चहरने सांगितले की, मलेशिया एअरलाइन्सने त्याच्यासोबतच्या इतर लोकांना न कळवता त्यांचे फ्लाइट बदलले होते. तसेच, त्यांना विमानाच्या बिझनेस क्लासमध्ये खायला जेवणही मिळाले नाही. ट्विटरवर मलेशिया एअरलाइन्सला टॅग करत चहरने आपल्यासोबत झालेली गैरव्यवस्था ट्विट सांगितली आहे.
चहरने ट्विट काय केले?
“मलेशिया एअरलाइन्ससोबत प्रवास करण्याचा वाईट अनुभव आला. प्रथम त्यांनी आम्हाला न कळवता आमचे फ्लाइट बदलले. तसेच विमानात बिझनेस क्लासमध्ये जेवणही दिले गेले नाही. गेल्या २४ तासांपासून आम्ही आमच्या सामानाची वाट पाहत आहोत. कल्पना करा की उद्या आमचा सामना आहे.”
Had a worse experience traveling with Malaysia airlines @MAS .first they changed our flight without telling us and no food in Business class now we have been waiting for our luggage from last 24hours .imagine we have a game to play tomorrow 😃 #worse #experience #flyingcar
— Deepak chahar 🇮🇳 (@deepak_chahar9) December 3, 2022
बांगलादेशविरुद्धच्या एकदिवसीय मालिकेसाठी भारतीय संघ
रोहित शर्मा (कर्णधार), केएल राहुल (उकर्णधार), शिखर धवन, विराट कोहली, रजत पाटीदार, श्रेयस अय्यर, राहुल त्रिपाठी, ऋषभ पंत, ईशान किशन, रवींद्र जडेजा, अक्षर पटेल, वॉशिंग्टन सुंदर, शार्दुल ठाकूर, उम्रान मलिक, मोहम्मद सिराज, दीपक चहर, यश दयाल.
The two Captains unveil the ODI series trophy on the eve of the 1st ODI at SBNCS, Mirpur.#BANvIND #TeamIndia pic.twitter.com/h08tPXn69b
— BCCI (@BCCI) December 3, 2022
