Bachchu Kadu : शिवसेना पक्ष आणि ‘धनुष्यबाण’ चिन्हावरून ठाकरे आणि शिंदे गटामध्ये सुरू असलेल्या कायदेशीर लढाईची सर्वोच्च न्यायालयातील सुनावणी अंतिम टप्प्यात पोहोचली आहे. या प्रकरणात ठाकरेंचे ज्येष्ठ विधिज्ञ कपिल सिब्बल यांनी निवडणूक आयोगाच्या निर्णयावर आणि अधिकारक्षेत्रावर गंभीर प्रश्न उपस्थित केले आहेत. दरम्यान, शिवसेना शिंदे गटाचे आमदार बच्चू कडू यांनी या प्रकरणावर मोठा दावा केला आहे. (Bachchu Kadu)

‘धनुष्यबाण पेलण्याची ताकद फक्त एकनाथ शिंदे यांच्यात आहे. त्यामुळे न्यायालयही एकनाथ शिंदे यांच्या बाजूनेच निर्णय देईल,’ असा दावा बच्चू कडू यांनी केला आहे. ते चंद्रपूर येथे प्रसारमाध्यमांशी बोलत होते. (Bachchu Kadu)

‘धनुष्यबाण फक्त शिंदेसाहेबच पेलू शकतात’

सर्वोच्च न्यायालयात शिवसेना पक्ष आणि धनुष्यबाण चिन्हाच्या सुनावणीबाबत बच्चू कडू यांना प्रश्न विचारण्यात आला. त्यावर त्यांनी एकनाथ शिंदे यांच्या नेतृत्वाचे समर्थन करत न्यायालयाचा निकाल शिंदे यांच्या बाजूने लागेल, असा विश्वास व्यक्त केला. (Bachchu Kadu)

कपिल सिब्बलांचा शिंदे गटावर जोरदार युक्तिवाद

दरम्यान, ठाकरे गटाचे वकील कपिल सिब्बल यांनी सर्वोच्च न्यायालयात निवडणूक आयोगाच्या निर्णयावर प्रश्न उपस्थित केले. शिवसेनेच्या १९९९ च्या पक्षघटनेत ‘मुख्य नेता’ हे पद अस्तित्वात नव्हते, मग एकनाथ शिंदे यांनी कोणत्या आधारावर हे पद स्वतःला बहाल केले? असा सवाल सिब्बल यांनी उपस्थित केला. शिवसेनेतील फुटीनंतर आणि बंडानंतर या घडामोडी झाल्या असून, त्यांना पक्षघटनेचा आधार नसल्याचा युक्तिवादही त्यांनी केला. (Bachchu Kadu)

‘फुटीचा निर्णय घेण्याचा अधिकार निवडणूक आयोगाला नाही’

पक्षातील फुटीचा प्रश्न सोडवण्याचा अधिकार निवडणूक आयोगाला नाही, असा युक्तिवादही कपिल सिब्बल यांनी केला. आमदारांच्या अपात्रतेचा प्रश्न हा संविधानाच्या दहाव्या अनुसूचीनुसार विधानसभा अध्यक्षांच्या अधिकारक्षेत्रात येतो, असे त्यांनी न्यायालयाच्या निदर्शनास आणून दिले. (Bachchu Kadu)

शिवसेनेतील फुटीनंतर निवडणूक आयोगाने ‘धनुष्यबाण’ हे मूळ निवडणूक चिन्ह शिंदे गटाला दिले, तर उद्धव ठाकरे गटाला ‘मशाल’ हे चिन्ह देण्यात आले. निवडणूक आयोगाने घेतलेला हा निर्णय नियमांना धरून नसल्याचा दावा सिब्बल यांनी केला. (Bachchu Kadu)

सुनावणी अंतिम टप्प्यात

शिवसेना पक्ष आणि धनुष्यबाण चिन्हावरील ही कायदेशीर लढाई आता अंतिम टप्प्यात पोहोचली आहे. कपिल सिब्बल यांनी ठाकरे गटाची बाजू सर्वोच्च न्यायालयात मांडताना निवडणूक आयोगाच्या अधिकारांवर तसेच पक्षघटनेच्या वैधतेच्या मुद्द्यावर जोर दिला आहे. (Bachchu Kadu)

आता या प्रकरणात सर्वोच्च न्यायालय काय भूमिका घेते आणि शिवसेना पक्ष व धनुष्यबाण चिन्हाबाबत अंतिम निर्णय कुणाच्या बाजूने लागतो, याकडे महाराष्ट्राच्या राजकीय वर्तुळाचे लक्ष लागले आहे. (Bachchu Kadu)

Vehicle Registration Number : वाहनाच्या विशेष नंबरसाठी सरकारी निधी वापरता येणार नाही; राज्य सरकारने केले स्पष्ट

Bachchu Kadu Meet Abhijit Dipke : आमदार बच्चू कडूंनी घेतली अभिजित दिपकेंची भेट