Asin : बॉलिवूडमध्ये अनेक अभिनेत्री आल्या, ज्या आपल्या अभिनयाने आणि सौंदर्याने प्रेक्षकांची मने जिंकून गेल्या. त्यापैकी एक नाव म्हणजे असिन. जिने सलमान खान, आमिर खान आणि अक्षय कुमार यांसारख्या सुपरस्टार्ससोबत काम करून अनेक सुपरहिट चित्रपट दिले. पण करिअरच्या शिखरावर असतानाच तिने चित्रपटसृष्टीला रामराम ठोकला आणि प्रकाशझोतातून दूर गेली. सुरुवात साउथ सिनेमातून असिनने केवळ १६ व्या वर्षी अभिनय क्षेत्रात पाऊल ठेवलं. तिचा पहिला चित्रपट होता २००१ मध्ये प्रदर्शित झालेला मल्याळम चित्रपट ‘नरेंद्रन माकन जयकांतन वाका’. यानंतर ती तमिळ चित्रपट “गजनी” मध्ये झळकली, जो ब्लॉकबस्टर हिट ठरला. या चित्रपटाचा बॉलिवूड रीमेकही बनवला गेला आणि त्यातही मुख्य भूमिका असिननेच साकारली. आमिर खानसोबतची तिची जोडी प्रेक्षकांना खूप आवडली आणि चित्रपटाने तिला थेट स्टारडमच्या शिखरावर पोहोचवले. हिट चित्रपटांची मालिका ‘गजनी’नंतर असिनने एकापाठोपाठ एक हिट चित्रपट दिले. सलमान खानसोबत ‘रेडी’ अक्षय कुमारसोबत ‘हाऊसफुल 2’ आणि ‘खिलाडी 786’ या सर्व चित्रपटांनी बॉक्स ऑफिसवर तुफान कमाई केली. केवळ काही वर्षांतच असिन बॉलिवूडमधील टॉप अभिनेत्रींपैकी एक बनली होती लग्न आणि चित्रपटसृष्टीपासून दूरावलेपण करिअरच्या सर्वोच्च टप्प्यावर असताना, असिनने २०१६ मध्ये मायक्रोमॅक्स कंपनीचे सह-संस्थापक राहुल शर्मा यांच्याशी लग्न केले. लग्नानंतर तिने चित्रपटांपासून पूर्णपणे ब्रेक घेतला आणि आता ती आपल्या कुटुंबासोबत आयुष्य जगत आहे. असिन आणि राहुल यांना एक मुलगी आहे, आणि असिन सध्या तिच्या फॅमिली टाइमचा आनंद घेत आहे. सोशल मीडियावर सक्रिय असिनने जरी चित्रपटांपासून अंतर ठेवलं असलं, तरी ती इंस्टाग्रामवर खूप सक्रिय आहे. तिच्या अकाऊंवर १० लाखांहून अधिक फॉलोअर्स आहेत, आणि ती वारंवार आपल्या कुटुंबासोबतचे फोटो आणि खास क्षण चाहत्यांसोबत शेअर करते. कधीकाळी सलमान, आमिर आणि अक्षयसारख्या सुपरस्टार्ससोबत सुपरहिट चित्रपट देणारी असिन, आज जरी चित्रपटांपासून दूर असली, तरी तिचं नाव आजही प्रेक्षकांच्या मनात कायम आहे.
