आमिर खानचा 2008 मध्ये आलेला ‘गजनी’ हा चित्रपट खूप गाजला. आमिरच्या अभिनयाचे खूप कौतुक झाले, पण तुम्हाला माहिती आहे का की या चित्रपटात आमिरची भूमिका सर्वप्रथम आर. माधवनला ऑफर झाली होती. माधवन ‘गजनी’चे दिग्दर्शक ए. आर. मुरुगदास यांची पहिली पसंती होता. त्याच्या हावभाव दग्दर्शकाला खूपच आवडले होते.

माधवनने अलीकडेच त्याच्या रॉकेट्री: द नंबी इफेक्ट या चित्रपटाच्या प्रमोशनसाठी अभिनेता-निर्माता सुर्याच्या थेट Instagram सत्रात भाग घेतला. या सत्रात दोघेही खूप बोलले. आर. माधवन यांचा रॉकेट्री: द नंबी इफेक्ट हा चित्रपट १ जुलै रोजी प्रदर्शित झाला आहे. माधवनने या चित्रपटाची कथाही स्वतः लिहिली आहे आणि त्याचा दिग्दर्शक आणि अभिनेताही आहे. या चित्रपटात सुरिया आणि शाहरुख खान कॅमिओ भूमिकेत दिसत आहेत, ज्यासाठी दोन्ही कलाकारांनी कोणतेही शुल्क घेतलेले नाही.

जुन्या दिवसांची आठवण करून देताना माधवनने सांगितले की, एक काळ असा होता जेव्हा माझे फिल्मी करिअर चांगले चालले होते, त्या वेळी सुर्या एका चित्रपटाचे शूटिंग करत होती. मी त्याला भूमिकेबाबत काही सल्ला दिला होता, तिथूनच आमची मैत्री झाली. माधवनने सांगितले की, फिल्म इंडस्ट्रीमध्ये त्याचे फारसे मित्र नाहीत पण सुर्याने नेहमीच एका चांगल्या आणि खऱ्या मित्राची भूमिका साकारली आहे.

आर. माधवन यांनी सांगितले की, ‘गजनी’ हा ब्लॉक-बस्टर चित्रपट त्यांना याआधी ऑफर करण्यात आला होता, परंतु त्यांना चित्रपटाच्या दुसऱ्या भागाची कथा आवडली नाही, म्हणून त्यांनी चित्रपटाला नकार दिला. लाईव्ह सेशनमध्ये माधवनने याबाबत खुलासा केला आहे.

आपण त्या भूमिकेत बसणार नाही, असे वाटले, म्हणून नकार दिला त्यामुळे चित्रपटाला चांगला अभिनेता मिळाला असे माधवन सांगतो. ‘गजनी’ 2008 मध्ये रिलीज झाला होता आणि त्यावेळी तो बॉक्स ऑफिसवर ब्लॉकबस्टर चित्रपट ठरला होता. चित्रपटात मुख्य अभिनेत्याची भूमिका आमिर खानने केली होती आणि त्याच्यासोबत अभिनेत्री असिन दिसली होती.