Asian Games 2026 Mirabai Chanu Wins Silver Medal In Weightlifting Ends 28 Year Wait : भारताची स्टार वेटलिफ्टर मीराबाई चानूने (Mirabai Chanu) आशियाई क्रीडा स्पर्धा २०२६ (Asian Games 2026) मध्ये महिलांच्या ४९ किलो वजनी गटात चमकदार कामगिरी करत रौप्यपदकावर (Silver Medal) आपले नाव कोरले आहे. या ऐतिहासिक यशासह मीराबाईच्या गौरवशाली क्रीडा कारकिर्दीत आशियाई क्रीडा स्पर्धेतील पदकाची राहिलेली एकमेव उणीव अखेर भरून निघाली आहे. अत्यंत चुरशीच्या ठरलेल्या या अंतिम फेरीत उत्तर कोरियाच्या री सोंग गमने जागतिक विक्रमासह सुवर्णपदक पटकावले, तर मीराबाईने आपल्या जिद्दीच्या जोरावर देशाला अभिमानास्पद यश मिळवून दिले.

२८ वर्षांनंतर वेटलिफ्टिंगमध्ये पदक; कर्णम मल्लेश्वरीच्या विक्रमाची आठवण!

मीराबाईचे हे रौप्यपदक भारतीय क्रीडाविश्वासाठी अत्यंत ऐतिहासिक ठरले आहे, कारण भारताला तब्बल २८ वर्षांनंतर आशियाई स्पर्धेत वेटलिफ्टिंगमध्ये पदक मिळाले आहे. यापूर्वी १९९८ च्या बँकॉक आशियाई स्पर्धेत भारताची महान खेळाडू कर्णम मल्लेश्वरीने ६३ किलो वजनी गटात रौप्यपदक जिंकले होते. त्यानंतर तब्बल पाव शतकाहून अधिक काळ चाललेला पदकांचा दुष्काळ संपुष्टात आणत मीराबाईने पुन्हा एकदा आपण देशातील अव्वल खेळाडू असल्याचे सिद्ध केले आहे.

उत्तर कोरियाच्या खेळाडूचे विश्वविक्रमी आव्हान; मीराबाईचा १९८ किलोचा भार!

Mirabai Chanu nails all her three Snatch attempts, successfully lifting 83kg, 85kg and 87kg in a perfect start to her Asian Games campaign! 🔥

Watch the 20th Asian Games Aichi-Nagoya LIVE on Sony Sports Network TV channels & Sony LIV.#SonySportsNetwork #SonyLIV #AsianGames… pic.twitter.com/E1DnrjOhuB

— Sony Sports Network (@SonySportsNetwk) September 23, 2026

स्पर्धेत उत्तर कोरियाच्या री सोंग गमने स्नॅच, क्लीन अँड जर्क आणि एकूण वजन अशा तिन्ही प्रकारांत नवा विश्वविक्रम प्रस्थापित करत एकूण २१५ किलो वजन उचलून सुवर्णपदक जिंकले. दुसरीकडे, २०२३ च्या आशियाई स्पर्धेत दुखापतीमुळे चौथ्या क्रमांकावर समाधान मानावे लागलेल्या मीराबाईने यंदा कोणतीही चूक केली नाही. तिने मानसिक कणखरता दाखवत एकूण १९८ किलो वजन उचलून दुसऱ्या स्थानासह रौप्यपदक आपल्या नावावर केले.

हेही वाचा – Women Table Tennis : भारतीय महिला टेबल टेनिस संघाचे अविश्वसनीय पुनरागमन! १-२ ने पिछाडीवर असताना थायलंडला ३-२ ने लोळवले

पंतप्रधान नरेंद्र मोदींकडून अभिनंदन; संपूर्ण देशातून कौतुकाचा वर्षाव!

A special Silver for @mirabai_chanu! Congratulations to her on winning the medal in the Women’s 49 kg Weightlifting event. Her determination and consistency continue to inspire the nation. India is proud of her. Best wishes for her future endeavours: PM @narendramodi pic.twitter.com/PTKLjXRjjw

— PMO India (@PMOIndia) September 23, 2026

मीराबाई चानूच्या या अभूतपूर्व यशानंतर पंतप्रधान नरेंद्र मोदी यांनी तिचे अभिनंदन केले आहे. “महिलांच्या ४९ किलो वजनी गटात रौप्यपदक जिंकल्याबद्दल मीराबाईचे अभिनंदन. तिचा दृढनिश्चय आणि सातत्य संपूर्ण देशाला प्रेरणा देणारे असून भारताला तिचा अभिमान आहे,” अशा शब्दांत पंतप्रधानांनी तिच्या कामगिरीचा गौरव केला.