Cricket Scotland Suspends Bilateral Series With Afghanistan Over Human Rights And Women Cricket Ban : स्कॉटलंड क्रिकेट बोर्डाने अफगाणिस्तान क्रिकेट संघासोबतचे सर्व द्विपक्षीय क्रिकेट संबंध तोडण्याचा ऐतिहासिक आणि मोठा निर्णय घेतला आहे. अफगाणिस्तानातील तालिबान राजवटीकडून महिला आणि मुलींवर लादण्यात आलेले कठोर निर्बंध तसेच मानवाधिकारांचे होणारे उल्लंघन या पार्श्वभूमीवर हे पाऊल उचलण्यात आले आहे. स्कॉटलंड केवळ आयसीसीच्या जागतिक स्पर्धांमध्येच अफगाणिस्तानविरुद्ध खेळणार असून, देशात महिला क्रिकेटची पुनर्स्थापना आणि मानवाधिकारांची स्थिती सुधारत नाही तोपर्यंत द्विपक्षीय किंवा तिरंगी मालिका खेळणार नाही.

क्रिकेट स्कॉटलंडच्या बैठकीत मंजुरी; द्विपक्षीय संबंधांवर बंदी

क्रिकेट स्कॉटलंडच्या नियामक मंडळाच्या नुकत्याच पार पडलेल्या महत्त्वपूर्ण बैठकीत या प्रस्तावाला एकमुखाने मंजुरी देण्यात आली. बोर्डाने अधिकृत प्रसिद्धीपत्रकात स्पष्ट केले की, जोपर्यंत अफगाणिस्तानमधील महिला क्रिकेट, महिलांचे मूलभूत अधिकार आणि मानवी परिस्थितीत ठोस सकारात्मक बदल घडून येत नाहीत, तोपर्यंत स्कॉटलंडचा पुरुष संघ अफगाणिस्तानसोबत कोणतीही द्विपक्षीय किंवा ट्राय-सिरीज खेळणार नाही. क्रीडा विश्वात नैतिक मूल्यांना आणि मानवी सन्मानाला प्राधान्य देण्याच्या उद्देशाने हा कठोर निर्णय घेतला गेला आहे.

तालिबान राजवटीत महिला खेळांवर बंदी; स्कॉटलंडचे स्पष्ट धोरण

🚨 SCOTLAND SUSPENDED BILATERAL CRICKET WITH AFGHANISTAN. 🚨

– Cricket Scotland will play against Afghanistan only in ICC events.

– No Bilateral or Tri-Series will be played between both countries due to the suspension of women’s cricket by Taliban. https://t.co/rEVGUlOXon

— Qamar. (@Qamar5618) November 10, 2026

२०२१ मध्ये तालिबानने सत्ता हस्तगत केल्यानंतर अफगाणिस्तानातील महिलांचे क्रीडा क्षेत्रातील अस्तित्व जवळजवळ संपुष्टात आले आहे. तेथे महिला आणि तरुणींच्या उच्च शिक्षणावर तसेच नोकऱ्यांवर अत्यंत कठोर बंदी घालण्यात आली आहे. महिला आणि मुलींच्या क्रिकेटचा प्रसार करणे ही स्कॉटलंड क्रिकेटची प्रमुख धोरणात्मक प्राथमिकता राहिली आहे. त्यामुळे अफगाणिस्तानातील महिलांच्या दडपशाहीकडे दुर्लक्ष करून त्यांच्या पुरुष संघासोबत मैदानात उतरणे तत्त्वांना धरून नसल्याचे स्कॉटलंडने ठामपणे मांडले आहे.

हेही वाचा – IPL New Teams : आयपीएलमध्ये पुन्हा मोठा धमाका; ‘या’ दोन नव्या फ्रँचायझींची होणार एन्ट्री, कोणती आहेत ‘ती’ शहरं? घ्या जाणून

ऑस्ट्रेलिया आणि इंग्लंडच्या पावलावर पाऊल; अफगाणिस्तान एकाकी पडला

Cricket Scotland Statement: Engagement With Afghanistan Cricket Board

➡️ https://t.co/ODWl35i9gW https://t.co/rzvee5gTpv

— Cricket Scotland (@CricketScotland) November 9, 2026

स्कॉटलंडपूर्वी क्रिकेट ऑस्ट्रेलिया आणि इंग्लंड क्रिकेट बोर्डानेही याच मानवाधिकार कारणांवरून अफगाणिस्तानविरुद्धच्या द्विपक्षीय मालिका आधीच निलंबित केल्या आहेत. आता स्कॉटलंडनेही बहिष्कार टाकल्यामुळे जागतिक क्रिकेटमध्ये अफगाणिस्तान अधिक एकाकी पडला आहे. दुसरीकडे, तालिबान सरकार मात्र इस्लामिक कायद्यांनुसार आम्ही महिलांच्या हक्कांचे रक्षण करत असून हा आमचा अंतर्गत विषय असल्याचा दावा करत आहे; परंतु आंतरराष्ट्रीय क्रीडा विश्वात त्यांच्यावरील दबाव दिवसेंदिवस अधिक वाढताना दिसत आहे.