Asian Games 2026 India Womens Table Tennis Team Enters Quarterfinals Beat Thailand 3-2 : जपानमधील नागोया येथे सुरू असलेल्या आशियाई क्रीडा स्पर्धा २०२६ (Asian Games 2026) मध्ये भारतीय महिला टेबल टेनिस संघाने आपल्या झुंजार खेळाचे दर्शन घडवले आहे. मंगळवारी झालेल्या अत्यंत चुरशीच्या लढतीत भारताने थायलंडचा ३-२ असा पराभव करत उपांत्यपूर्व फेरीत (Quarterfinals) दिमाखात प्रवेश केला. एका टप्प्यावर भारतीय संघ १-२ असा पिछाडीवर पडला होता; मात्र यशस्विनी घोरपडे आणि श्रीजा अकुला यांनी जबरदस्त खेळ करत भारताचा हा निसटता विजय खेचून आणला.

यशस्विनीचे दोन विजय; श्रीजा अकुलाने ऑलिम्पिअनला पाजले पाणी!

या ऐतिहासिक विजयात यशस्विनी घोरपडेने दोन सामने जिंकत भारताला सामन्यात टिकवून ठेवले. त्यानंतर निर्णायक लढतीत राष्ट्रकुल सुवर्णपदक विजेती श्रीजा अकुला (Sreeja Akula) कोर्टवर उतरली. तिने थायलंडची ऑलिम्पिअन आणि आशियाई पदकविजेती सुथासिनी सावेत्ताबुतचा ९-११, ११-६, १२-१०, ११-८ असा ३-१ ने धुव्वा उडवला आणि भारताच्या विजयावर शिक्कामोर्तब केले. आता उपांत्यपूर्व फेरीत भारताचा सामना बलाढ्य उत्तर कोरियाविरुद्ध होणार आहे.

सॉफ्ट टेनिसमध्ये जय मीनाची बाजी; आध्या तिवारी पराभूत!

Yashaswini Ghorpade gets the job done in Match 2 and brings India right back into the contest against Thailand. 🏓💥

Watch the 20th Asian Games Aichi-Nagoya LIVE on Sony Sports Network TV channels & Sony LIV.#SonySportsNetwork #SonyLIV #AsianGames… pic.twitter.com/2kF8JFNBra

— Sony Sports Network (@SonySportsNetwk) September 22, 2026

सॉफ्ट टेनिस प्रकारात भारताच्या जय मीनाने पुरुषांच्या ‘ग्रुप डी’ मधील लढतीत पाकिस्तानच्या हुसेन अरैनचा ४-० असा एकतर्फी पराभव करत बाद फेरीत धडक मारली. महिला गटात आध्या तिवारीला थायलंडच्या अलीशा जिग्लरविरुद्ध १-४ असा पराभव पत्करावा लागला. तिला नॉकआउट फेरी गाठण्यासाठी आता पाकिस्तानच्या कायनात शालवानीविरुद्धचा पुढील सामना कोणत्याही परिस्थितीत जिंकावा लागणार आहे.

हेही वाचा – Sakshi Choudhary Boxing : पॅरिस ऑलिम्पिकच्या पदकविजेतीला थेट ५-० ने लोळवले! भारताच्या साक्षी चौधरीचा रिंगमध्ये थरार; पदार्पणातच मोठा उलटफेर

कराटेमध्ये चेतन भट्टचे पदक हुकले; सेन्शू नियमाने दिला धक्का!

Sutirtha Mukherjee, Syndrela Das and Sreeja Akula seal a 3-0 win without dropping a game in Table Tennis Women’s Team Event. 💪

Watch the 20th Asian Games Aichi-Nagoya LIVE on Sony Sports Network TV channels & Sony LIV.#SonySportsNetwork #SonyLIV #AsianGames… pic.twitter.com/An6us82cxF

— Sony Sports Network (@SonySportsNetwk) September 21, 2026

कराटे प्रकारात भारताच्या चेतन भट्टचे कांस्यपदक अत्यंत दुर्दैवी पद्धतीने हुकले. पुरुषांच्या ८४ किलो कुमाईते प्रकारात कांस्यपदकाच्या लढतीत त्याचा चीनी ताइपेच्या चुंग मेंग-यूविरुद्धचा सामना १-१ असा बरोबरीत सुटला; मात्र प्रतिस्पर्ध्याला ‘सेन्शू’ (पहिले गुण मिळवण्याचा नियम) चा फायदा मिळाल्याने मेंग-यूला विजयी घोषित करण्यात आले.