Asian Games 2026 India Opens Medal Tally Shooting Womens 10m Air Rifle Team Wins Silver : जपानमधील नागोया येथे सुरू असलेल्या आशियाई क्रीडा २०२६ स्पर्धेत (Asian Games 2026) भारताने अधिकृत पदकतालिकेत आपले खाते उघडले आहे. महिलांच्या १० मीटर एअर रायफल सांघिक स्पर्धेत भारताच्या सोनम मस्कर, एलावेनिल वलारिवन आणि विदार्स विनोद या त्रिकुटाने चमकदार कामगिरी करत रौप्यपदकावर (Silver Medal) आपले नाव कोरले. भारतीय संघाने अंतिम फेरीत तब्बल १८९८.० गुणांची कमाई केली. या स्पर्धेत चीनने १९०४.२ गुणांसह सुवर्णपदक पटकावले, तर यजमान जपानने १८९७.१ गुणांसह कांस्यपदक मिळवले.

सोनम मस्करचे दमदार नेतृत्व; अवघ्या काही गुणांनी हुकले सुवर्ण!

भारतीय नेमबाजांनी पहिल्या फेरीपासूनच अप्रतिम सातत्य दाखवत पदकाची शर्यत कायम राखली होती. सोनम मस्कर भारतासाठी सर्वाधिक गुण मिळवणारी खेळाडू ठरली; तिने वैयक्तिक पात्रता फेरीत ६३४.१ गुणांसह चौथे स्थान पटकावले. दुसरीकडे अनुभवी एलावेनिल वलारिवनने ६३३.५ गुणांची भक्कम नोंद करत पदकाचा पाया रचला. दक्षिण कोरियाचा संघ शेवटपर्यंत भारताला आव्हान देत होता; मात्र चू येओन-ब्योलच्या सुमार कामगिरीमुळे कोरियाचे पदक हुकले आणि भारताने रौप्यपदक खिशात घातले.

सुचिका तारियालचे पदक निश्चित; नेमबाजीत पुन्हा नव्या विक्रमाचे लक्ष्य!

INDIA’S FIRST MEDAL AT ASIAN GAMES 2026

– Our Women’s Team consisting of Elavenil Valarivan, Sonam Maskar and Vidarsa Vinod won Silver Medal in 10m Air Rifle! 🥈 pic.twitter.com/2PWmlaIAwR

— The Khel India (@TheKhelIndia) September 20, 2026

याआधी मिश्र मार्शल आर्ट्स (MMA) फायटर सुचिका तारियालने महिलांच्या ६० किलो वजनी गटाच्या उपांत्य फेरीत प्रवेश करून भारताचे किमान कांस्यपदक आधीच निश्चित केले होते. मात्र, पदकतालिकेत नोंद झालेले हे नेमबाजीतील रौप्यपदक भारताचे अधिकृत पहिले पदक ठरले. गत २०२२ हांगझोऊ स्पर्धेत भारताने नेमबाजीत ७ सुवर्ण, ९ रौप्य आणि ६ कांस्य अशी एकूण २२ पदके पटकावली होती. तोच पराक्रम यंदाही मागे टाकण्याचा भारतीय नेमबाजांचा निर्धार आहे.

हेही वाचा – Shafali Verma Record : शफाली वर्माची आशियाई स्पर्धेत ऐतिहासिक खेळी! ४९ चेंडूंत वादळी शतक ठोकत लावली विक्रमांची रांग

पदकतालिकेत भारत सहाव्या स्थानी; चीनची अव्वल स्थानावर झेप!

🚨 INDIAN WOMEN’S 10M AIR RIFLE TEAM WINS THE SILVER MEDAL FOR INDIA! 🥈

The Trio of Sonam, Elavenil & Vidarsa wins first medal for India at Asian Games 2026

Indian Team Overall Score: 1898.0

WELL DONE GIRLS! 🔥🔥🔥 pic.twitter.com/qdSYgNSU4h

— The Khel India (@TheKhelIndia) September 20, 2026

नेमबाजीतील या शानदार पदकानंतर भारत अधिकृत पदकतालिकेत सहाव्या स्थानावर पोहोचला आहे. चीनने आतापर्यंत ७ पदकांसह गुणतालिकेत अव्वल स्थान राखले असून यजमान जपान ५ पदकांसह दुसऱ्या क्रमांकावर आहे. याशिवाय मकाऊ, दक्षिण कोरिया आणि कझाकस्तान पदकतालिकेत सध्या भारताच्या पुढे आहेत.