Ashish Nehra Mastermind Plan for Vaibhav Sooryavanshi Wicket : आयपीएल २०२६ मध्ये आपल्या फटकेबाजीने सर्वांचे लक्ष वेधून घेणारा १५ वर्षांचा युवा फलंदाज वैभव सूर्यवंशी सध्या फॉर्मात असला तरी, त्याची एक मोठी कमकुवत बाजू आता जगासमोर आली आहे. ९ मे रोजी गुजरात टायटन्स विरुद्धच्या सामन्यात वैभवने आक्रमक सुरुवात केली खरी, पण गुजरातचे हेड कोच आशिष नेहरा यांच्या एका चतुर चालीमुळे त्याला आपली विकेट गमवावी लागली. नेहरा यांनी बाऊंड्री लाईनवरून केलेल्या एका इशाऱ्याचा व्हिडीओ सध्या सोशल मीडियावर तुफान व्हायरल होत आहे.

नेहरांचा इशारा अन् सिराजचा भेदक बाऊन्सर –

राजस्थान रॉयल्सकडून खेळणारा वैभव सूर्यवंशी या सामन्यात पुन्हा एकदा मोठ्या खेळीच्या इराद्याने मैदानात उतरला होता. त्याने आपल्या डावातील दुसऱ्याच चेंडूवर मोहम्मद सिराजला षटकार ठोकत धोक्याची घंटा वाजवली होती. वैभवला रोखणे कठीण जात असल्याचे पाहून डगआउटमध्ये बसलेल्या आशिष नेहरा यांनी डोकं लावलं. तिसरे षटक टाकण्यासाठी आलेल्या मोहम्मद सिराजला नेहरा यांनी बाऊंड्री लाईनवरून ‘बाऊन्सर’ टाकण्याचा इशारा केला.

Masterstroke from Ashish Nehra and Mohammed Siraj nails the execution under pressure🙌

Vaibhav Sooryavanshi falls to the trap 🚨#TATAIPL Revenge Week 2026 ➡️ #RRvGT | LIVE NOW 👉 https://t.co/4f0xDg7EfO pic.twitter.com/ApgaLO8b24

— Star Sports (@StarSportsIndia) May 9, 2026

सिराजने कोचच्या आदेशाचे तंतोतंत पालन करत पाचव्या चेंडूवर १४६.६ किमी प्रतितास वेगाचा एक भेदक बाऊन्सर टाकला. या वेगापुढे वैभवची भंबेरी उडाली आणि मोठा शॉट मारण्याच्या नादात चेंडू हवेत उडाला. शॉर्ट फाईन लेगवर उभ्या असलेल्या अर्शद खानने कोणतीही चूक न करता हा झेल टिपला. १६ चेंडूत ३६ धावा करून वैभव बाद झाला आणि नेहरांचा प्लॅन यशस्वी ठरला.

Ashish Nehra said Siraj to bowl a bouncer😮‍💨

Next Ball Vaibhav Sooryavanshi got OUT🫡#Cricket #IPL #RRvsGTpic.twitter.com/sorsJSYQvo

— CREX (@Crex_live) May 9, 2026

हेही वाचा – Rashid Khan Video : रवींद्र जडेजाच्या पॉकेट सेलिब्रेशनला राशिद खानकडून जशास तसं उत्तर, VIDEO होतोय व्हायरल

वैभवची विकेट ठरली टर्निंग पॉईंट –

🚨 Angry Siraj gets his revenge after being hit for a six by vaibhav suryavanshi.

Vaibhav smashed Siraj for a six and three fours early in the game.

Ashish Nehra used a tactical mastermind move to outthink the batter.

Siraj delivered a 146.6 kph bouncer to finally end the… https://t.co/eX5N1YAr70 pic.twitter.com/CFXUx37mMN

— Mohit Bohra (@mohitsharma1910) May 10, 2026

या सामन्यात राजस्थान रॉयल्सला ७७ धावांच्या मोठ्या फरकाने पराभवाचा धक्का सहन करावा लागला. तज्ज्ञांच्या मते, वैभव सूर्यवंशीची विकेट हाच या सामन्याचा ‘टर्निंग पॉईंट’ ठरला. जोपर्यंत वैभव यशस्वी जैस्वालसोबत फलंदाजी करत होता, तोपर्यंत राजस्थानची धावगती प्रचंड वेगवान होती आणि गुजरातच्या गोलंदाजांवर दबाव होता. मात्र, वैभव बाद होताच राजस्थानच्या धावगतीला ब्रेक लागला आणि एकामागून एक विकेट्स पडल्यामुळे त्यांना सामन्यात पुन्हा सावरता आले नाही.