Rashid Khan gives a witty reply to Ravindra Jadeja : आयपीएल २०२६ च्या मैदानात जेव्हा दोन तगडे संघ भिडतात, तेव्हा मुकाबला केवळ बॅट आणि बॉलपुरता मर्यादित राहत नाही. खेळाडूंमधील शाब्दिक चकमक आणि विजयाचं वेगळं सेलिब्रेशन या सामन्यात अधिक मसाला भरत असतं. जयपूरच्या सवाई मानसिंह स्टेडियमवर जेव्हा गुजरात टायटन्सने राजस्थान रॉयल्सचा पराभव केला, तेव्हा मैदानाबाहेर सोशल मीडियावर एक वेगळंच ‘व्हिडीओ वॉर’ पाहायला मिळालं. यावेळी समोरासमोर होते राजस्थानचा रवींद्र जडेजा आणि गुजरातचा फिरकी जादूगार राशिद खान.

जडेजाचं ‘पॉकेट सेलिब्रेशन’ अन् सस्पेन्स

या हाय-व्होल्टेज सामन्यात सस्पेन्स तेव्हा वाढला जेव्हा रवींद्र जडेजाने गुजरातच्या सेट फलंदाजाची विकेट काढली. विकेट घेतल्याच्या आनंदात जडेजाने आपली नेहमीची ‘तलवारबाजी’ सोडून एक नवीन स्टाईल निवडली. त्याने आपल्या पॅंटच्या खिशाकडे इशारा करत ‘पॉकेट सेलिब्रेशन’ केलं. जणू काही त्याने विरोधी संघाच्या मुख्य खेळाडूंना आपल्या खिशात टाकलं आहे, असा त्याचा आविर्भाव होता. राजस्थानच्या चाहत्यांना वाटलं की जडेजाने मानसिक आघाडी घेतली आहे, पण खरा धमाका अजून बाकी होता.

Wicket in the pocket ☝️

Celebrations out 🥳

Ravindra Jadeja doing what he does best 🩷

Updates ▶️ https://t.co/t7CEEL9Bzp#TATAIPL | #KhelBindaas | #RRvGT | @rajasthanroyals pic.twitter.com/qGBNr38o4S

— IndianPremierLeague (@IPL) May 9, 2026

राशिद खानचा ‘मिसाईल’ पलटवार –

2️⃣ points in our pocket ✅ pic.twitter.com/HDoYymCFDX

— Gujarat Titans (@gujarat_titans) May 9, 2026

गुजरात टायटन्सने जेव्हा राजस्थानला ७७ धावांच्या मोठ्या अंतराने धूळ चारली, तेव्हा राशिद खानने बदला घेण्यास अजिबात उशीर केला नाही. राशिदने सोशल मीडियावर एक व्हिडीओ शेअर केला, ज्याने राजस्थानच्या चाहत्यांना शांत केलं. या व्हिडिओमध्ये राशिद आपल्या खिशात काहीतरी शोधताना दिसतोय आणि शेवटी हसून इशारा करतो की, त्याच्या खिशात सामन्याचे ‘२ पॉइंट्स’ आहेत. राशिदचा संदेश स्पष्ट होता—तुम्ही विकेट घेतली असेल, पण आम्ही पूर्ण सामनाच खिशात घालून घेऊन जात आहोत.

 हेही वाचा – तुला खिशात ठेवतो…! जडेजाचा माज की आत्मविश्वास?बटलरलच्या विकेटनंतर वादग्रस्त सेलिब्रेशन, पाहा VIDEO

राशिद खानच्या या जबरदस्त सेन्स ऑफ ह्युमरमुळे सोशल मीडियावर सध्या गुजरातच्या चाहत्यांमध्ये उत्साहाचं वातावरण आहे. या व्हिडीओ वॉरने हे सिद्ध केलं की, राशिद केवळ चेंडूनेच नाही तर आपल्या हजरजबाबीपणाने देखील चाहत्यांची मनं जिंकू शकतो.