पुणे : पालखीचे आगमन रविवारी (30 जून) शहरात होणार आहे. त्या पार्श्वभूमीवर आगमन, मुक्काम आणि प्रस्थानानिमित्ताने शहरातील वाहतूक व्यवस्थेत बदल तात्पुरता करण्यात येणार आहे. गरजेनुसार पोलिस हा वाहतूक बदल करणार असून, गुगल मॅपलाही अपडेट करणार आहेत. अशी माहिती वाहतूक विभागाचे पोलिस उपायुक्त रोहीदास पवार यांनी प्रसिद्धी पत्रकाद्वारे दिली आहे. पालखी आगमनानिमित्ताने शहरातील प्रमुख रस्ते दुपारनंतर वाहतूकीस बंद राहणार आहेत. वाहनचालकांनी पर्यायी मार्गांचा वापर करावा, असे आवाहन वाहतूक शाखेकडून करण्यात आले आहे. जगदगुरू श्री तुकाराम महाराज यांच्या पालखी आगमनानिमित्ताने रविवारी आवश्यकतेनूसार बोपोडी चौक, खडकी रेल्वे स्थानक, मरिआई गेट चौक, कमल नयन बजाज चौक, जुन्या मुंबई – पुणे मार्गावरून पुण्याकडे येणारी सर्व प्रकारची वाहतूक बंद राहणार आहे. संतश्रेष्ठ श्री ज्ञानेश्वर महाराज पालखी आगमनानिमित्ताने कळस फाटा ते विश्रांतवाडी चौक, येरवड्यातील मनोरुग्णालय (मेंटल कॉर्नर) ते आळंदी रस्ता चौक, चंद्रमा चौक ते आळंदी रस्ता, नवीन डॉ. आंबेडकर सेतू ते चंद्रमा चौक, होळकर पूल ते साप्रस चौकीपर्यंत वाहतूक बंद राहील. या कालावधीत फक्त आळंदीकडे जाणारे रस्ते आवश्यकतेनूसार बंद राहणार असून, अन्य रस्ते सुरू राहणार आहेत. वाहनचालकांनी पर्यायी मार्गांचा वापर करावा, असे आवाहन वाहतूक शाखेचे पोलीस उपायुक्त रोहिदास पवार यांनी केले. शहरात अगमन झाल्यानंतर दोन्ही पालख्या एकाच मार्गावरुन मुक्कामस्थळी पोहचतील. अभियांत्रिकी महाविद्यालय चौक, संचेती चौक, वेेधशाळा चौक, वीर चापेकर चौक, ज्ञानेश्वर पादुका चौक, तुकाराम पादुका चौक, गोखले स्मारक चौक (गुडलक), खंडोजी बाबा चौक, टिळक चौक, लक्ष्मी रस्ता, विजय चित्रपटगृह चौक, सेवासदन चौक, बेलबाग चौक, बुधवार चौक, पासोड्या विठोबा मंदीर, मोती चौक, सोन्या मारुती चौक, हमजेखान चौक, डुल्या मारुती चौक, नाना पेठ पोलीस चौकी येथून श्री संत तुकाराम महाराज यांची पालखी अरुणा चौक मार्गे श्री निवडुंग्या विठोबा मंदिर येथे मुक्कामास येईल. श्री संत ज्ञानेश्वर महाराज पालखी अशोका चौकमार्गे भवानी पेठेतील श्री पालखी विठोबा मंदीर येथे मुक्कामास येईल. पालख्यांच्या मुक्कामानिमित्त नाना-भवानी पेठेतील वाहतूक व्यवस्थेत बदल करण्यात येणार आहेत. वाहतुकीस बंद असणारे रस्ते, पर्यायी मार्ग गणेशखिंड रस्ता (रेंजहिल चौक ते संचेती रुग्णालय) पर्यायी मार्ग- रेंजहिल-खडकी पोलिस ठाणे, पोल्ट्री चौक, जुना मुंबई पुणे महामार्ग आणि रेंज हिल, सेनापती बापट रस्ता, विधी महाविद्यालय रस्ता फर्ग्युसन रस्ता ( खंडोजीबाबा चौक ते वीर चापेकर चौक) पर्यायी मार्ग- कर्वे रस्ता, सेनापती बापट रस्ता, रेंजहिल छत्रपती शिवाजी रस्ता (गाडगीळ पुतळा ते स. गो. बर्वे चौक) पर्यायी मार्ग- कुंभार वेस, मालधक्का चौक, आरटीओ चौक, जहांगीर हॉस्पिटल, बंडगार्डन रस्ता टिळक चौक ते वीर चापेकर चौक, पर्यायी मार्ग- शास्त्री रस्ता, म्हात्रे पूल लक्ष्मी रस्ता (बेलबाग चौक ते टिळक चौक), पर्यायी मार्ग- शिवाजी रस्ता, हिराबाग टिळक रस्ता, शास्त्री रस्ता शास्त्री रस्त्यावरील सेनादत्त पोलिस चौकी ते खंडोजीबाबा चौक रस्ता बंद
