Arasan: तमिळ सिनेमातील दोन मोठी नावं सिलंबरासन टी. आर. आणि दिग्दर्शक वेट्रिमारन पुन्हा एकदा एका नवीन चित्रपटासाठी एकत्र येत आहेत. बराच काळ ‘एसटीआर ४९’ या नावाने चर्चेत असलेला हा प्रोजेक्ट आता अधिकृतपणे ‘अरासन’ या नावाने जाहीर करण्यात आला आहे.मंगळवारी या चित्रपटाचा पहिला लुक प्रदर्शित झाला असून, सोशल मीडियावर त्याने प्रचंड धुमाकूळ घातला आहे.

पोस्टरमधील दमदार झलक

फिल्मच्या पोस्टरमध्ये सिलंबरासन एक रफ अँड टफ लुकमध्ये दिसत आहेत. त्यांचा चेहरा पूर्णपणे स्पष्ट दिसत नसला तरी त्यांच्या नजरेतील तीव्रता लक्षवेधी आहे.चित्रपटाचे नाव ‘अरासन’ म्हणजेच ‘राजा’, आणि पोस्टर पाहून स्पष्ट होते की या चित्रपटात सिलंबरासन एक शक्तिशाली आणि प्रभावी पात्र साकारत आहेत.

वायरल झाला पोस्टर

या चित्रपटाचे पोस्टर निर्माते कलाईपुली एस. थानू यांनी सोशल मीडियावर शेअर केले.
‘असुरन’, ‘वडा चेन्नई’ आणि ‘विसरनाई’ सारख्या राष्ट्रीय पुरस्कार विजेत्या चित्रपटांचे दिग्दर्शन करणारे वेट्रिमारन या वेळीही तसंच जादू निर्माण करण्याच्या तयारीत आहेत.

रोचक बाब म्हणजे दिग्दर्शकांनी याआधीच सूचकपणे सांगितले होते की ‘अरासन’ हा ‘वडा चेन्नई युनिव्हर्स’चा भाग असू शकतो. त्यामुळे प्रेक्षकांमध्ये अशी चर्चा आहे की हा चित्रपट चेन्नईच्या अंडरवर्ल्ड आणि सत्ता राजकारणाभोवती फिरणार आहे.

कलाकार आणि तांत्रिक टीमची माहिती लवकरच

सध्या निर्मात्यांनी फक्त चित्रपटाचं नाव आणि सिलंबरासनचा पहिला लुक एवढंच जाहीर केलं आहे.
उर्वरित कलाकार आणि तांत्रिक टीमविषयीची माहिती लवकरच दिली जाणार आहे.
अफवा अशी आहे की या चित्रपटात अभिनेता मणिकंदन एक महत्त्वाचा कॅमिओ करणार आहेत, तर दिग्दर्शक नेल्सन दिलीपकुमार एका खास सीक्वेन्समध्ये झळकू शकतात.