Apurva Nemlekar : “आयुष्याची दुसरी सुरुवात…” अपूर्वा नेमळेकरने बांधली लग्नगाठ

Apurva Nemlekar : अपूर्वा नेमळेकरने तनुज गोवळकरशी लग्नगाठ बांधली आहे. लग्नसोहळ्यात अभिनेत्रीने पारंपरिक लूक केल्याचं पाहायला मिळालं.

Apurva Nemlekar : मराठी मालिकाविश्वातील लोकप्रिय अभिनेत्री अपूर्वा नेमळेकरने सर्व चाहत्यांना सुखद धक्का दिला आहे. 14 फेब्रुवारी रोजी ‘व्हॅलेंटाइन डे’निमित्त अपूर्वा दुसऱ्यांदा लग्नबंधनात अडकली आहे. लग्नाचे सुंदर फोटो सोशल मीडियावर शेअर करत तिने ही माहिती चाहत्यांना दिली आहे.

अपूर्वा नेमळेकरने (Apurva Nemlekar) तनुज गोवळकरशी लग्नगाठ बांधली आहे. लग्नसोहळ्यात अभिनेत्रीने पारंपरिक लूक केल्याचं पाहायला मिळालं. हिरव्या रंगाची नऊवारी साडी, हातात हिरव्या बांगड्यांचा चुडा, गळ्यात सुंदर मंगळसूत्र या लूकमध्ये अपूर्वा खूपच सुंदर दिसत होती.

Nana Patole on Harshwardhan Sapkal : “छत्रपती शिवाजी महाराज देशात नव्हे तर जगात महान”; सपकाळ यांच्या विधानावर नाना पटोलेंची प्रतिक्रिया

अपूर्वा लग्नाचे फोटो शेअर करत लिहिते, “१४ फेब्रुवारी २०२६ अशी एक तारीख जी कायमस्वरुपी आमची झाली. या खास दिवशी आम्ही आमच्या आयुष्यातील जवळच्या लोकांच्या उपस्थितीत एक नवीन अध्याय सुरू केला. मला तुम्हाला हे सांगताना अतिशय आनंद होतोय की, आता मी ‘मिसेस अपूर्वा तनुज गोवळकर’ आहे. आयुष्याने माझी अनेकदा परीक्षा घेतली, यादरम्यान मी अनेक चढउतार अनुभवले आणि तरीही मी प्रेमावर विश्वास ठेवणं कधीही थांबवलं नाही.”

View this post on Instagram

A post shared by Apurva Nemlekar Govalkar (@apurvanemlekarofficial)

“आयुष्यात एवढी वादळं आली तरीही मी खचले नाही आणि अखेर देवाने माझ्या मनासारख्या सगळ्या गोष्टी घडवून आणल्या. ही आमच्या आयुष्याची दुसरी सुरुवात आहे…समजूतदारपणे आणि अतिशय आदरपूर्वक आम्ही हा निर्णय घेतला आहे. आता या प्रवासात तुम्हा सर्वांचं प्रेम, आशीर्वाद कायम सोबत राहूद्यात…माझ्या आयुष्याच्या प्रत्येक टप्प्यात खंबीरपणे साथ दिल्याबद्दल धन्यवाद. आज मी प्रचंड आनंदी अन् कृतज्ञ आहे. With Love, मिसेस अपूर्वा तनुज गोवळकर.” असं अपूर्वाने तिच्या पोस्टमध्ये म्हटलं आहे. Apurva Nemlekar :

दरम्यान, अभिनेत्रीचं हे दुसरं लग्न आहे. अपूर्वा नेमळेकरने 2014 मध्ये रोहन देशपांडेशी पहिलं लग्न केलं होतं. परंतु हे नातं फार काळ टिकलं नाही. यानंतर तिने नव्या प्रवासाला सुरुवात केली आहे. Apurva Nemlekar :

अपूर्वाच्या वर्कफ्रंटबद्दल सांगायचं झालं तर, ‘रात्रीस खेळ चाले’, ‘आभास हा’, ‘प्रेमाची गोष्ट’ अशा एकापेक्षा एक लोकप्रिय मालिकांमध्ये ती झळकली आहे नुकतीच अपूर्वा ‘शुभविवाह’ मालिकेत झळकली होती. Apurva Nemlekar :