CJP Protest : दिल्लीतील जंतर-मंतर येथे सुरू असलेल्या कॉकरोच जनता पार्टीच्या ‘चलो संसद’ आंदोलनादरम्यान मोठा गोंधळ उडाला. आंदोलकांना रोखताना दिल्ली पोलिसांनी केलेल्या कारवाईत आम आदमी पक्षाचे माजी आमदार अखिलेश त्रिपाठी यांच्याशी धक्काबुक्की झाल्याचा व्हिडीओ सोशल मीडियावर मोठ्या प्रमाणात व्हायरल होत आहे. (CJP Protest)

व्हायरल होत असलेल्या व्हिडीओमध्ये काही पोलीस कर्मचारी अखिलेश त्रिपाठी यांना उचलून बॅरिकेडच्या पलीकडे नेताना दिसत असल्याचा दावा केला जात आहे. या घटनेनंतर राजकीय वातावरण तापले असून विरोधकांनी दिल्ली पोलिसांच्या कारवाईवर प्रश्नचिन्ह उपस्थित केले आहे. मात्र, या व्हिडीओची स्वतंत्रपणे अधिकृत पडताळणी झालेली नाही. (CJP Protest)

या आंदोलनाला आम आदमी पक्षाने पाठिंबा दिला असून, पक्षाचे अनेक वरिष्ठ नेते जंतर-मंतरवर पोहोचले होते. मनीष सिसोदिया, आतिशी आणि संजय सिंह यांनीही आंदोलनस्थळी जाऊन आंदोलकांना समर्थन दिले. (CJP Protest)

ये दिल्ली के तीन बार के विधायक @AapAkhilesh_ हैं इनके साथ मोदी की @DelhiPolice का व्यवहार जानवरों जैसा है। pic.twitter.com/esB1mBLbQz

— Sanjay Singh AAP (@SanjayAzadSln) July 20, 2026

घटनेनंतर आम आदमी पक्षाचे खासदार संजय सिंह यांनी सोशल मीडियावर व्हिडीओ शेअर करत दिल्ली पोलिसांवर टीका केली. “तीन वेळा आमदार राहिलेल्या व्यक्तीला जनावरासारखी वागणूक देण्यात आली,” असा आरोप त्यांनी केला. या पोस्टनंतर हा व्हिडीओ सोशल मीडियावर वेगाने व्हायरल झाला आहे. (CJP Protest)

दरम्यान, ‘चलो संसद’ मोर्चादरम्यान आंदोलक आणि पोलिसांमध्ये अनेक ठिकाणी धक्काबुक्की झाली. परिस्थिती नियंत्रणात आणण्यासाठी पोलिसांनी लाठीचार्ज आणि अश्रुधुराचा वापर केला. या कारवाईत काही आंदोलक आणि पोलीस कर्मचारी जखमी झाल्याची माहिती समोर आली आहे. (CJP Protest)

कोण आहेत अखिलेश त्रिपाठी?

अखिलेश त्रिपाठी हे आम आदमी पक्षाचे वरिष्ठ नेते असून त्यांनी दिल्लीतील मॉडेल टाऊन विधानसभा मतदारसंघाचे सलग तीन वेळा प्रतिनिधित्व केले आहे. ते पक्षाच्या पूर्वांचल संघटनेचेही महत्त्वाचे पदाधिकारी राहिले असून, दिल्लीतील अनेक सामाजिक आणि राजकीय आंदोलनांमध्ये त्यांचा सक्रिय सहभाग राहिला आहे. (CJP Protest)

CJP Protest : धर्मेंद्र प्रधान राजीनामा देणार? जे. पी. नड्डा यांच्यासोबतच्या बैठकीत काय घडलं? सौरव दास यांनी सविस्तर सांगितलं

CJP Protest : दिल्लीतील राड्यावर संजय राऊतांची केंद्र सरकार आणि सरन्यायाधीशांवर तुफान टीका