CJP Protest : दिल्लीतील जंतर-मंतर येथे सुरू असलेल्या CJP (Cockroach Janta Party) आंदोलनाच्या पार्श्वभूमीवर केंद्र सरकारने प्रथमच आंदोलनाच्या प्रतिनिधींशी औपचारिक चर्चा केली. केंद्रीय आरोग्यमंत्री जे.पी. नड्डा यांनी CJP च्या दोन सदस्यीय शिष्टमंडळाशी बैठक घेत आंदोलन मागे घेण्याचे आवाहन केले. मात्र, CJP ने आपल्या प्रमुख मागण्यांवर ठाम भूमिका कायम ठेवली आहे. (CJP Protest)

CJP Protest : CJP च्या आंदोलनाला धक्कादायक वळण; अभिजीत दिपकेंना पोलिसांनी उचललं, आंदोलकांवरही लाठीमार

CJP चे प्रतिनिधी सौरव दास आणि आशुतोष रांका यांनी नड्डा यांच्यासमोर तीन प्रमुख मागण्या मांडल्या. यामध्ये सोनम वांगचुक यांची तात्काळ सुटका, केंद्रीय शिक्षणमंत्री धर्मेंद्र प्रधान यांचा राजीनामा आणि NEET प्रकरणाशी संबंधित आत्महत्या केलेल्या विद्यार्थ्यांच्या कुटुंबियांना प्रत्येकी एक कोटी रुपयांची आर्थिक मदत यांचा समावेश आहे. या मागण्यांबाबत सरकारच्या वरिष्ठ नेतृत्वाशी चर्चा करण्यासाठी वेळ हवा असल्याचे नड्डा यांनी प्रतिनिधींना सांगितल्याचे CJP ने म्हटले आहे. (CJP Protest)

बैठकीनंतर सौरव दास यांनी सांगितले की, सरकारने चर्चा सुरू केली असली तरी केवळ आश्वासनांवर आंदोलन मागे घेतले जाणार नाही. धर्मेंद्र प्रधान यांच्या राजीनाम्याबाबत ठोस निर्णय होईपर्यंत आंदोलन सुरूच राहील, अशी भूमिका त्यांनी स्पष्ट केली. (CJP Protest)

🚨#ImportantAnnouncement:
Ashutosh Ranka and Saurav Das have been at J.P. Nadda’s residence since 12 noon. The demands have been conveyed, including immediate resignation/sacking of Dharmendra Pradhan.

The Minister assured us he will discuss this at the appropriate level.… pic.twitter.com/DHvrJ8uS4d

— Cockroach Janta Party (@CJP_for_India) July 20, 2026

दरम्यान, संसदेकडे निघालेल्या CJP च्या मोर्चादरम्यान दिल्लीत मोठा पोलीस बंदोबस्त ठेवण्यात आला. काही ठिकाणी आंदोलकांना रोखण्यासाठी अश्रुधुराचा वापर करण्यात आला, तसेच अनेक आंदोलकांना ताब्यात घेण्यात आल्याची माहिती समोर आली आहे. (CJP Protest)

धर्मेंद्र प्रधान राजीनामा देणार का, याबाबत अद्याप केंद्र सरकारकडून कोणतीही अधिकृत घोषणा करण्यात आलेली नाही. सध्या सरकार आणि आंदोलनकर्त्यांमध्ये संवादाची प्रक्रिया सुरू असून पुढील निर्णयाकडे सर्वांचे लक्ष लागले आहे. (CJP Protest)

CJP Protest : दिल्लीतील राड्यावर संजय राऊतांची केंद्र सरकार आणि सरन्यायाधीशांवर तुफान टीका