प्रभात वृत्तसेवा पुणे, दि. 11 -मुकुल माधव फाउंडेशनच्या वतीने 2700 राख्या सीमेवरील जवान, पोलीस कर्मचारी आणि विशेष मुलांसाठी पाठवण्यात आल्या. या राख्या फाउंडेशनच्या पुढाकारातून शाळा, महाविद्यालये आणि कौशल्ये प्रशिक्षण केंद्रात बनवण्यात आल्या.
रत्नागिरी (महाराष्ट्र) आणि मासार (गुजरात) येथील फिनोलेक्‍स कौशल्ये विकास केंद्र, रत्नागिरीतील मुकुल माधव विद्यालय, विशेष मुलांचे कौशल्य विकास केंद्र, येरवडा येथील मनोरुग्णालयातील रुग्णांनी आणि थॅलेसेमियाग्रस्त तरुणांनी राख्या बनवण्याच्या उपक्रमात उत्स्फूर्त सहभाग नोंदवला.

या राख्या रत्नागिरी येथील तटरक्षक दल, पोलीस कर्मचारी, सियाचिनमधील जवान, औंध लष्कर केंद्रातील जवान, अपंग सैनिक कल्याण केंद्रातील जवान, रत्नागिरीतील रिमांड होम, उत्तर आणि पश्‍चिम भारताच्या सीमेवरील जवान, राजस्थानच्या सीमेवरील जवानांना पाठवल्या आहेत. तसेच गुजरातच्या पद्रा गावातील शाळा आणि मुकुल माधव विद्यालय रत्नागिरी येथील विद्यार्थ्यांनी राख्यांची देवाणघेवाण केली.

सीमेवर आपल्या संरक्षणासाठी तैनात भावांच्या निरोगी आणि दीर्घायुष्यासाठी दरवर्षी फाउंडेशनकडून रक्षाबंधनाच्या निमित्ताने राख्या पाठवल्या जातात. प्रेम, काळजी आणि प्रार्थनेसह ही राखी पाठवली आहे. औंध लष्कर केंद्रात सेलेब्रल पाल्सीग्रस्त, गतिमंद, थॅलेसेमिया ग्रस्त, अनाथ मुली आणि मुकुल माधव फाउंडेशनमधील महिला कर्मचाऱ्यांनी राखी बांधून रक्षाबंधन साजरे केले.

-रितू प्रकाश छाब्रिया,
व्यवस्थापकीय विश्‍वस्त, मुकुल माधव फाउंडेशन