Viral Video : मुंबईत मुसळधार पाऊस सुरू असून यामुळे मोठ्या प्रमाणावर वाहतूक कोंडी होत आहे. याचा नाहक त्रास सर्वसामान्यांप्रमाणेच बॉलिवूड कलाकारांनाही करावा लागत आहे. या कोंडीतून सुटका करून घेण्यासाठी बॅालिवूडमधील एका प्रसिद्ध कलाकाराने मेट्रोने प्रवास केला. या कलाकाराचा मेट्रो प्रवासाचा व्हिडिओ सोशल मीडियावर व्हायरल झाला असून या व्हिडिओने अनेकांचे लक्ष वेधून घेतले आहे.   (Viral Video)

हा अभिनेता दुसरा तिसरा कोणी नसून रणदीप हुड्डा आहे. माहितीनुसार, शूटिंग संपवून घरी परतत असताना मुसळधार पाऊस सुरू झाला. यामुळे शहरातील अनेक रस्त्यांवर वाहतूक ठप्प झाली होती. वेळ वाचवण्यासाठी रणदीपने कारऐवजी थेट मेट्रो स्टेशन गाठले आणि एका सामान्य प्रवाशाप्रमाणे मेट्रोने प्रवास केला.

विशेष म्हणजे, गर्दीत ओळख टाळण्यासाठी त्याने चेहऱ्यावर मास्क घातला होता. त्यामुळे अनेक प्रवाशांना तो प्रसिद्ध अभिनेता असल्याचे लक्षात आले नाही. काळी जीन्स, तपकिरी टी-शर्ट आणि त्यावर चेक शर्ट अशा साध्या पेहरावात रणदीप मेट्रोच्या डब्यात उभा राहून प्रवास करताना दिसला.   (Viral Video)

हेही वाचा : Lemon Water: सकाळची सुरुवात लिंबूपाण्याने करता? मग ही महत्त्वाची माहिती नक्की वाचा

रणदीपचा हा साधेपणा चाहत्यांच्या पसंतीस उतरला आहे. त्याचे मेट्रो स्टेशनवर चालतानाचे आणि मेट्रोमधील प्रवासाचे व्हिडिओ सोशल मीडियावर व्हायरल होताच चाहत्यांनी त्याच्या साध्या स्वभावाचे भरभरून कौतुक केले. “स्टार असूनही जमिनीवर राहणारा अभिनेता” अशा प्रतिक्रिया अनेकांनी व्यक्त केल्या.  (Viral Video)

 

View this post on Instagram

 

A post shared by Filmibeat (@filmibeatofficial)

मुंबईतील वाहतूक कोंडीपासून बचाव करण्यासाठी मेट्रोचा वापर करणारा रणदीप हा पहिला अभिनेता नाही. याआधी अक्षय कुमार, हृतिक रोशन आणि हेमा मालिनी यांसारख्या अनेक कलाकारांनीही मेट्रोने प्रवास करत चाहत्यांचे लक्ष वेधले होते. आता त्यात रणदीप हुड्डाचाही समावेश झाला आहे.

ईठामध्ये झळकणार    (Viral Video)

दरम्यान, रणदीप हुडाच्या वैयक्तिक आयुष्यातही आनंदाची बातमी समोर आली आहे. १० मार्च २०२६ रोजी रणदीप आणि त्याची पत्नी लिन लैश्राम यांच्या घरी कन्यारत्नाचे आगमन झाले. मुलीच्या जन्मानंतर काही दिवसांनी त्यांनी सोशल मीडियावर तिची पहिली झलक शेअर करत तिच्या नावाचीही घोषणा केली.

रणदीपच्या कामाच्या बाबातीत बोलायचे झाल्यास तो सध्या अनेक प्रकल्पांमध्ये व्यस्त असून, लवकरच श्रद्धा कपूरसोबत ‘ईठा’ या चित्रपटात झळकणार आहे. या चित्रपटातील त्याच्या भूमिकेविषयी अद्याप कोणत्याही डिटेल्स समोर आलेल्या नाहीत.

हेही वाचा : Stock Market: आशियाई बाजारात घबराट, पण भारतीय शेअर बाजाराची दमदार मुसंडी; सेन्सेक्स 77 हजारांच्या पार