Amarnath Yatra 2025 : अमरनाथ यात्रा ३ जुलैपासून सुरू होणार आहे. यात्रेनिमित्त कडक सुरक्षा व्यवस्था करण्यात येत आहे. सरकारने एक मोठा निर्णय घेतला आहे. यात्रेची सुरक्षा मजबूत करण्यासाठी गृह मंत्रालयाच्या सल्ल्यानुसार जम्मू-काश्मीर सरकारने पहलगाम आणि बालताल एक्सप्रेसवर हवाई निर्बंध लादले आहेत. यामुळे, संपूर्ण तीर्थयात्रा मार्ग आता ‘नो फ्लाइंग झोन’ म्हणून घोषित करण्यात आला आहे.

आता मोठा प्रश्न असा निर्माण होतो की सरकारने हे पाऊल का उचलले. खरं तर, सरकारने हे पाऊल सुरक्षेसाठी उचलले आहे. आगामी अमरनाथ यात्रेसाठी सर्व प्रकारच्या सुरक्षेचा विचार करून हा निर्णय घेण्यात आला आहे.

‘नो फ्लाइंग झोन’ घोषित :
केंद्रशासित प्रदेशाच्या गृह विभागाने पहलगाम आणि बालटाल मार्गांसह सर्व अमरनाथ यात्रा मार्गांना ‘नो फ्लाइंग झोन’ म्हणून घोषित केले आहे. पहलगाम आणि बालटाल मार्गांना व्यापणाऱ्या सर्व प्रकारच्या हवाई उपकरणांना ही बंदी लागू आहे – ज्यामध्ये यूएव्ही, ड्रोन आणि फुगे यांचा समावेश आहे.

निर्बंध कधीपासून कधीपर्यंत लागू होतील?
ही सुरक्षा सूचना १ जुलै ते १० ऑगस्ट पर्यंत लागू असतील. भारत सरकारच्या गृह मंत्रालयाने असे करण्याचा सल्ला दिल्यानंतर हा निर्णय घेण्यात आला आहे. तथापि, वैद्यकीय आणीबाणी, आपत्ती व्यवस्थापन किंवा सुरक्षा दलांनी राबवलेल्या देखरेखीच्या कारवाया अशा काही प्रकरणांमध्ये हा निर्णय लागू होणार नाही.

अमरनाथ यात्रा ३ जुलै ते ९ ऑगस्ट २०२५ या कालावधीत होणार आहे. या यात्रेत मोठ्या संख्येने भाविक सहभागी होतात आणि यात्रेला जातात. या काळात सुरक्षेत कोणतीही चूक होऊ नये यासाठी कडक व्यवस्था केली जात आहे. सुरक्षेच्या कारणास्तव हे मोठे पाऊल उचलण्यात आले आहे.

सुरक्षेची तयारी सुरू…
अधिकाऱ्यांनी आश्वासन दिले आहे की यात्रा शांततेत पार पाडण्यासाठी सर्व सुरक्षा उपाययोजना केल्या जात आहेत. उपराज्यपाल मनोज सिन्हा यांनी जनतेकडून सहकार्याचे आवाहन केले आहे, अमरनाथ यात्रा ही लोकांची यात्रा आहे यावर भर दिला आहे.

पहलगाम हल्ल्याच्या पार्श्वभूमीवर, यात्रा सुरळीत आणि शांततेत पार पाडण्यासाठी अतिरिक्त सुरक्षा तयारी केली जात आहे. यात्रेसाठी केंद्रीय सशस्त्र निमलष्करी दलाच्या (CAPF) 580 कंपन्या तैनात केल्या जात आहेत.