Nobel for Economics: रॉयल स्वीडिश ॲकॅडमी ऑफ सायन्सेसने आर्थिक क्षेत्रातील योगदानासाठी 2024 चा नोबेल पुरस्कार जाहीर केला आहे. आर्थिक विज्ञान क्षेत्रातील अल्फ्रेड नोबेलच्या स्मरणार्थ स्वेरिगेस रिक्सबँक पुरस्कार डॅरॉन एसेमोग्लू, सायमन जॉन्सन आणि जेम्स ए. रॉबिन्सन यांना जाहीर करण्यात आला आहे. संस्था कशा तयार होतात आणि त्यांचा समृद्धीवर कसा परिणाम होतो याच्या अभ्यासासाठी विजेत्यांना सन्मानित करण्यात आले.

BREAKING NEWS
The Royal Swedish Academy of Sciences has decided to award the 2024 Sveriges Riksbank Prize in Economic Sciences in Memory of Alfred Nobel to Daron Acemoglu, Simon Johnson and James A. Robinson “for studies of how institutions are formed and affect prosperity.”… pic.twitter.com/tuwIIgk393

— The Nobel Prize (@NobelPrize) October 14, 2024

डरोन एसेमोग्लू कोण आहेत?

कामेर डॅरोन एसेमोग्लू हे आर्मेनियन वंशाचे तुर्की-अमेरिकन अर्थशास्त्रज्ञ आहेत. ते 1993 पासून मॅसॅच्युसेट्स इन्स्टिट्यूट ऑफ टेक्नॉलॉजीमध्ये शिकवत आहेत. तेथे ते सध्या एलिझाबेथ आणि जेम्स किलियन अर्थशास्त्राचे प्राध्यापक आहेत. त्यांनी 2005 मध्ये जॉन बेट्स क्लार्क पदक मिळवळे आणि 2019 मध्ये त्यांना MIT द्वारे प्राध्यापक म्हणून नियुक्त केले.

सायमन जॉन्सन कोण आहेत?

सायमन एच. जॉन्सन हे ब्रिटिश अमेरिकन अर्थशास्त्रज्ञ आहेत. त्यांचा जन्म 16 जानेवारी 1963 रोजी झाला. ते एमआयटी स्लोन स्कूल ऑफ मॅनेजमेंटमध्ये उद्योजकतेचे प्राध्यापक आहेत. यासह जॉन्सन पीटरसन इन्स्टिट्यूट फॉर इंटरनॅशनल इकॉनॉमिक्समध्ये वरिष्ठ फेलो आहेत.

जेम्स ए. रॉबिन्सन कोण आहेत?

जेम्स ॲलन रॉबिन्सन यांचा जन्म 1960मध्ये झाला, ते ब्रिटिश अर्थशास्त्रज्ञ आणि राजकीय शास्त्रज्ञ आहेत. ते सध्या ग्लोबल कॉन्फ्लिक्ट स्टडीजचे रेव्हरंड डॉ. रिचर्ड एल. पियर्सन प्राध्यापक आणि शिकागो विद्यापीठातील हॅरिस स्कूल ऑफ पब्लिक पॉलिसीमध्ये विद्यापीठाचे प्राध्यापक आहेत.

१९६९ पासून दिले जाते अर्थशास्त्राचे नोबेल पारितोषिक –

आल्फ्रेड नोबेल यांच्या स्मृतीप्रित्यर्थ अर्थशास्त्रातील स्वेरिजेस रिक्सबँक पुरस्कार दिला जातो. आल्फ्रेड नोबेल यांनी आपल्या मृत्युपत्रात अर्थशास्त्र पुरस्काराचा उल्लेख केलेला नाही. Sveriges Riksbank ने 1968 मध्ये पारितोषिकाची स्थापना केली आणि रॉयल स्वीडिश अकादमी ऑफ सायन्सेसला 1969 पासून आर्थिक विज्ञानातील पारितोषिक विजेते निवडण्याचे काम देण्यात आले.